ஜொகூர் சட்டமன்ற தேர்தலில் 42 தொகுதிகளில் அம்னோ போட்டி

கோலாலம்பூர்:

ஜொகூர் சட்டமன்ற தேர்தலில் அம்னோ குறைந்தது 42 தொகுதிகளில் போட்டியிடும் என்று அதன் துணைத் தலைவர் டத்தோஸ்ரீ முஹம்மது ஹசான் கூறினார்.

ஜொகூர் சட்டமன்றம் கலைக்கப்பட்டதை தொடர்ந்து அங்கு விரைவில் தேர்தல் நடைபெறவுள்ளது.

மொத்தம் 56 தொகுதிகளை உள்ளடக்கி ஜொகூர் மாநில தேர்தல் நடைபெறவுள்ளது.
இத்தேர்தலில் அம்னோ குறைந்தது 42 தொகுதிகளில் போட்டியிடவுள்ளது.

தேசிய முன்னணியின் பங்காளி கட்சிகள் போட்டியிடும் தொகுதிகள் இந்த 42 தொகுதிகளில் அடங்கவில்லை.

ஜொகூர் சட்டமன்ற தேர்தல் குறித்து அம்னோவும், தேசிய முன்னணியின் பங்காளித்துவ கட்சிகளும் தொடர்ந்து பேச்சுவார்த்தை நடத்தி வருகிறது.

இந்த பேச்சுவார்த்தை தொடர்ந்து அம்னோ உட்பட தேசிய முன்னணி பங்காளித்துவ கட்சிகள் போட்டியிடும் தொகுதிகள் உறுதி செய்யப்படும் என்று டத்தோஸ்ரீ முஹம்மது ஹசான் கூறினார்.