வேலை நேரத்தைக் குறைப்பது சேவையின் தரத்தை பாதிக்காது: கியூபெக்ஸ்

ஜொகூர்பாரு:

வேலை நேரத்தைக் குறைப்பது எந்தவொரு சூழ்நிலையிலும்  சேவையின் தரத்தை பாதிக்காது.

கியூபெக்ஸ் எனப்படும் பொதுச் சேவை ஊழியர் சங்கங்களின் காங்கிரஸின் தலைவர் டத்தோ டாக்டர் அட்னான் மாட் இதனை கூறினார்.

ஜொகூர் மாநில அரசு வேலை நேரத்தை குறைப்பதற்கான நடவடிக்கையை முன்மொழிந்துள்ளது.

இந்த வேலை நேரத்தைக் குறைப்பதற்கான நடவடிக்கைகள் பொதுத் துறையின் தரம், உற்பத்தித்திறனைப் பாதிக்காது.

மாறாக பொது சேவை வழங்கல் முறையை மிகவும் திறமையான ஒன்றாக மாற்றும்.

மேலும் உத்தேச அமலாக்கத்தை ஆராயும் ஜொகூர் அரசாங்கத்தின் முன்முயற்சி உண்மையில் உற்பத்தித்திறனை மேம்படுத்துவதற்கும், பொதுச் சேவையை மேம்படுத்துவதற்கும் வலுப்படுத்துவதற்கும் அரசாங்கத்தின் முயற்சிகளுக்கு ஏற்ப உள்ளது.

வேலை நேரத்தைக் குறைக்கும் நடவடிக்கை எதிர்மறையான கோணத்தில் பார்க்கப்பட வேண்டிய ஒன்றல்ல, ஏனெனில் அது உண்மையில் முன்பு செய்யப்பட்டது என்று அவர் கூறினார்.

- பார்த்திபன் நாகராஜன்