லங்காவி மிகவும் சிறியது என்றால்' லிமா கண்காட்சிக்கு மாற்று இடம் தேவைப்படலாம்: பாதுகாப்பு அமைச்சர் காலித்

லங்காவி:

வளர்ந்து வரும் பிராந்தியப் போட்டிக்கு மத்தியில், லங்காவி சர்வதேச கடல்சார், விண்வெளிக் கண்காட்சி தொடர்ந்து போட்டித்தன்மையுடன் நீடிப்பதற்காக, மாற்று இடங்களை ஆராயுமாறு பாதுகாப்பு அமைச்சர் டத்தோ ஸ்ரீ முஹம்மத் காலித் நூர்தீன் (Datuk Seri Mohamed Khaled Nordin) பரிந்துரைத்துள்ளார்.

இந்தோனேசியா, வியட்நாம் போன்ற அண்டை நாடுகளை உதாரணமாகக் காட்டி, அதிகரித்து வரும் பங்கேற்பாளர்களின் எண்ணிக்கைக்கு இடமளிக்க, மேம்படுத்தப்பட்ட வசதிகள் தேவை என்பதை அவர் வலியுறுத்தினார்.

மலாக்காவில் உள்ள கிளெபாங் ஒரு சாத்தியமான மாற்று இடமாகும், இருப்பினும், பொருத்தமான கண்காட்சி உள்கட்டமைப்பிற்கு கணிசமான முதலீடு தேவைப்படுகிறது.

வரம்புகள் காரணமாக இடமாற்றம் செய்ய வேண்டிய அவசியம் ஏற்பட்டாலன்றி, லிமா கண்காட்சி லங்காவியிலேயே தொடர வேண்டும் என்று துன் டாக்டர் மகாதீர் முஹம்மது தெரிவித்த கருத்துக்களைத் தொடர்ந்து இந்தப் பரிந்துரை வந்துள்ளது.

- பார்த்திபன் நாகராஜன்