பலமுறை சுட்ட பின் 37 குற்றப் பதிவுகள் கொண்ட சந்தேக நபரை போலிசார் கைது செய்தனர்

கோலாலம்பூர்:

பலமுறை சுட்ட பின் 37 குற்றப் பதிவுகள் கொண்ட சந்தேக நபரை போலிசார் கைது செய்தனர்.

கோலாலம்பூர் போலிஸ் தலைவர் டத்தோ ஃபாடில் மார்சஸ் இதனை கூறினார்.

இந்த சம்பவம் இன்று இங்குள்ள சுங்கை பீசி ஏரியைச் சுற்றி நிகழ்ந்தது.

சுமார் 30 நிமிடங்கள் போலிசாரால் துரத்தப்பட்டபோது, ​​அவர் பயணித்த பிக்கப் வாகனம் சறுக்கி மற்றொரு வாகனத்தின் மீது மோதியதைத் தொடர்ந்து, 37 குற்றப் பதிவுகள் கொண்ட கேபிள் திருட்டு சந்தேக நபர் ஒருவர் கைது செய்யப்பட்டார்.

கெசாஸ் நெடுஞ்சாலையில்  சந்தேகத்திற்கிடமான நிலையில் இரண்டு நபர்களுடன் ஃபோர்டு ரேஞ்சர் வாகனம் ஒன்று பயணித்ததை புக்கிட் அமான் நெடுஞ்சாலை ரோந்துப் பிரிவு கண்டறிந்தது.

சோதனைக்காக சந்தேக நபரை நிறுத்துமாறு போலிசார் உத்தரவிட்டதாகவும், ஆனால் அவர் தப்பிப்பதற்காக தொடர்ந்து வேகமாகச் சென்றதாகவும் அவர் கூறினார்.

அவான் பெசார் டோல் சாவடியிலிருந்து கிள்ளான் (மேற்கு) வழியாக கோலாலம்பூர், ஸ்ரீ பெட்டாலிங்கில் உள்ள ஜாலான் ஹாங் துவா 4 வரை காவல்துறை சந்தேக நபரைத் துரத்தியது.

இந்தச் சம்பவத்தின் போது, ​​சந்தேக நபரின் வாகனத்தின் டயர்களை நோக்கிப் பலமுறை துப்பாக்கிச் சூடு நடத்தப்பட்டது.

சுமார் 30 நிமிடத் துரத்தலுக்குப் பிறகு, சந்தேக நபரின் வாகனம் சுங்கை பெசியில் உள்ள ஒரு பெட்ரோல் நிலையம் அருகே நின்றது.

அப்போதும் சந்தேக நபர் ஒத்துழைக்காமல், பணியில் இருந்த அதிகாரிகள் மீது வாகனத்தை ஏற்ற முயன்றார். இதனால், சந்தேக நபரின் வாகனத்தின் பின்பக்க டயரை நோக்கி காவல்துறையினர் பலமுறை சுட வேண்டிய கட்டாயம் ஏற்பட்டது என்று அவர் கூறினார்.

- பார்த்திபன் நாகராஜன்