செந்தோசாவில் 69வது சுதந்திர தினக் கொண்டாட்டம்; ஆயிரக்கணக்கான மக்கள் திரண்டனர்: குணராஜ்

செந்தோசா:

செந்தோசா சட்டமன்றத் தொகுதியின்  69ஆவது தேசிய தினக் கொண்டாட்டத்தில் 1000க்கும் மேற்பட்ட மக்கள் கலந்து கொண்டனர்.

இவ்விழா பண்டார் செந்தோசாவில் உள்ள பாடாங் வர்கா ஏமாஸில் நடைபெற்றது.

நாட்டிற்கான ஒரு வரலாற்றுச் சிறப்புமிக்க நாளைக் கொண்டாடுவதில் செந்தோசா மக்கள் பெருமை கொள்கின்றனர்.

மக்கள் தேசியக் கொடி ஏந்தி, தேசப்பற்று உணர்வுடன் ஒற்றுமையாக இருந்த சூழல் உற்சாகமாக இருந்தது என்று செந்தோசா சட்டமன்ற உறுப்பினர் டாக்டர் குணராஜ் கூறினார்.

இந்த கொண்டாட்டத்தில் கலந்து கொண்டவர்களுக்குப் பல்வேறு நிகழ்வுகளும் கவர்ச்சிகரமான பரிசுகளும் வழங்கப்பட்டன.

பங்கேற்ற அனைத்து 32சி குழுக்களுக்கும் அதாவது அரசு சாரா நிறுவனங்கள், கேஆர்டி, குடியிருப்பாளர்கள் சங்கங்கள், தன்னார்வலர்கள், ரேலா, தீயணைப்பு போலிஸ் ஆகியவற்றுக்கும் மனமார்ந்த பாராட்டுக்களும் நன்றிகளும். 

ரோயல் என்ஃபீல்ட் மோட்டார் சைக்கிள் கிளப், சிலாங்கூர் பள்ளிப் பேருந்து சங்கத்தின் அணிவகுப்பு, இந்த சர்வதேச தினக் கொண்டாட்டத்தை மேலும் உயிர்ப்பூட்டியது.

அனைவரின் வருகையும் அர்ப்பணிப்பும் கொண்டாட்டத்தை மேலும் பிரகாசமாக்கியது மட்டுமல்லாமல், நாம் ஒன்றுபடும்போது, ​​வலிமையான, இணக்கமான, செழிப்பான ஒரு சமூகத்தை உருவாக்க முடியும் என்பதற்குச் சான்றாகவும் அமைந்தது என்று அவர் கூறினார்.

- பார்த்திபன் நாகராஜன்