ஜோகூர் வாக்காளர்களுக்காக கூடுதல் ETS ரயில்களை KTMB அறிவித்துள்ளது, டிக்கெட் விற்பனை இன்று தொடங்குகிறது

ஜோகூர் பாரு:

ஜோகூர் மாநிலத் தேர்தலுக்காகத் தங்கள் சொந்த ஊர்களுக்குப் பயணம் செய்யும் வாக்காளர்களின் வசதிக்காக,  KTM நிறுவனம் கூடுதல் ETS ரயில் சேவைகளை அறிவித்துள்ளது.

டிக்கெட் விற்பனை இன்று மதியம் தொடங்கும் என்றும், அவற்றை KTMB மொபைல் செயலி, KITS ஸ்டைல் ​​செயலி, அதிகாரப்பூர்வ இணையதளமான online.ktmb.com.my அல்லது KTMB டிக்கெட் விற்பனையகங்கள் வழியாக வாங்கலாம் என்றும் KTMB தெரிவித்துள்ளது.

“வாக்களிக்க சொந்த ஊர்களுக்குச் செல்லும் பயணிகளின் வசதிக்காக இந்த அறிவிப்பு வெளியிடப்பட்டுள்ளது. வரவிருக்கும் மாநிலத் தேர்தலுக்காக, ஜூலை 10 முதல் 12 வரை பயணம் செய்ய தெற்கு நோக்கிய கூடுதல் ETS ரயில் சேவைகள் கிடைக்கும்,” என்று அது குறிப்பிட்டிருந்தது.

ஜூன் 1 அன்று மாநில சட்டமன்றம் கலைக்கப்பட்டதைத் தொடர்ந்து, ஜோகூர் மாநிலத் தேர்தலுக்கான வாக்குப்பதிவு நாளை ஜூலை 11 என தேர்தல் ஆணையம் நிர்ணயித்துள்ளது.

- பார்த்திபன் நாகராஜன்