வீட்டில் இருந்து வேலை திட்டம்: ஒரே நாளில் ஒரு நகரில் 6 லட்சம் லிட்டர் பெட்ரோலை மிச்சப்படுத்த முடியும்

ஹைதராபாத்:

ஹைத​ரா​பாத்தை சேர்ந்த அஸ்ட்ரோ வால்​டாய்ஸ் ஸ்டார்ட்-அப் நிறு​வனத் தலைமை செயல் அதி​காரி ராதா கிருஷ்ண காவலூரு சமூக வலை​தளத்​தில் இந்த ஆய்வுத் தகவலை வெளியிட்டுள்ளார்.

அவர் வெளி​யிட்ட பதி​வில் கூறி​யிருப்​ப​தாவது:

எனது முந்​தைய நிறு​வனத்​தின் ஊழியர்​கள் சராசரி​யாக 15 கி.மீ. தொலைவு பயணம் செய்து அலு​வல​கத்​துக்கு வந்​தனர். பெரும்பாலானோர் இருசக்கர வாக​னங்​களை பயன்​படுத்​தினர். 

ஒரு மோட்​டார் சைக்​கிள் ஒரு லிட்​டர் பெட்​ரோலில் 45 கி.மீ. வரை செல்லும். இதன்​படி 3 ஊழியர்​களின் ஒரு வழி பயணத்​துக்கு ஒரு லிட்டர் பெட்​ரோல் தேவைப்​படும்.

ஹைத​ரா​பாத்​தில் உள்ள மைக்​ரோ​சாப்ட் நிறு​வனத்​தில் சுமார் 12,000 பேர் பணி​யாற்​றுகின்​றனர். அவர்​கள் அலு​வல​கத்​துக்கு செல்ல தின​மும் 8,000 லிட்​டர் பெட்​ரோல் தேவைப்​படு​கிறது. 

ஹைத​ரா​பாத் முழு​வதும் செயல்​படும் தகவல் தொழில்​நுட்ப நிறு​வனங்​களில் சுமார் 9 லட்​சம் பேர் பணி​யாற்​றுகின்​றனர். அவர்​கள் மோட்​டார் வாக​னங்​களில் அலு​வல​கங்​களுக்கு செல்ல தினசரி 6 லட்​சம் லிட்​டர் பெட்​ரோல் தேவைப்​படு​கிறது. 

இவர்​கள் அனை​வரும் வீட்​டில் இருந்து வேலை செய்​தால் ஒரே நாளில் ஹைதராபாத் நகரில் 6 லட்​சம் லிட்​டர் பெட்​ரோலை சேமிக்க முடியும்.

நாடு முழு​வதும் மோட்​டார் வாக​னங்​களுக்கு தினசரி 58.1 கோடி லிட்​டர் பெட்​ரோல் தேவைப்​படு​கிறது. வீட்​டில் இருந்து வேலை செய்​யும் திட்​டத்தால் பெரு​மளவு பெட்​ரோலை சேமிக்க முடி​யும்.

தகவல் தொழில்​நுட்ப நிறு​வனங்​களில் வீட்​டில் இருந்து வேலை செய்​யும் திட்​டம் அமல்​படுத்​தப்​பட்​டால் ஓராண்​டில் ரூ.15,000 கோடிக்​கும் அதி​க​மாக சேமிக்க முடி​யும். இதன்​மூலம் ஓராண்​டில் 1.8 பில்​லியன் அமெரிக்க டாலர் அந்​நியச் செலா​வணியை சேமிக்க முடி​யும். 

இதனால் பெட்​ரோல் மிச்​ச​மாவதோடு, நாடு முழு​வதும் போக்​கு​வரத்து நெரிசலும் கணிச​மாகக் குறை​யும். இவ்​வாறு ராதா கிருஷ்ண காவலூரு தெரி​வித்​துள்​ளார்​.

- ஆர்யன்