BSN வங்கி குலுக்கலில் 10 லட்சம் ரிங்கிட்டை ஆசிரியர் முனீஸ்வரன் மணியம் வென்றார்

ஈப்போ:

BSN வங்கி குலுக்கலில் 10 லட்சம் ரிங்கிட்டை ஆசிரியர் முனீஸ்வரன் மணியம் வென்றுள்ளார்.

பாரிட் புந்தாரைச் சேர்ந்த இவர் பினாங்கில் உள்ள இடை நிலைப்பள்ளியில் ஆசிரியராக பணிபுரிந்து வருகிறார்.

கடந்த 1990 முதல் bsn வங்கியில் சேமிப்பு திட்டத்தை தொடங்கிய இவர், ஒரு காலத்தில் குலுக்கலில் பரிசு கிடைக்கும் என்ற நினைத்திருந்தேன்.

ஆனால் இவ்வளவு பெரிய தொகை கிடைக்கும் என்று எதிர்பார்க்கவில்லை.

இந்த தொகையை தொடர்ந்து சேமிப்பில் வைத்திருப்பேன். இப்போதைக்கு அதனை பயன்படுத்த எந்த திட்டமும் இல்லை.

56 வயதுடைய இவருக்கு நான்கு பிள்ளைகள். ஒருவர் படித்து வருகிறார், மற்ற மூவரும் வேலை செய்து வருகிறார்.

இவருடைய மனைவியும் ஒரு ஆசிரியர் , இவரும் அதே பள்ளியில் ஆசிரியராக பணிபுரிந்து வருகிறார் என்பது குறிப்பிடத்தக்கது.

- பார்த்திபன் நாகராஜன்