தஞ்சாவூர் சிறுவன் முதல் உலக பூக்களின் ராஜா வரை! பிளாக் டியூலிப் குழுமத் தலைவர் முஹம்மது யஹ்யாவின் வெற்றிக் கதை

10-ஆம் வகுப்போடு படிப்பை நிறுத்தியவர்... துபாயில் விற்பனையாளராக வாழ்க்கையை தொடங்கியவர்... இன்று 30 நாடுகளுக்கு பூக்களை ஏற்றுமதி செய்யும் சாம்ராஜ்யத்தின் சொந்தக்காரர்!

தஞ்சாவூர்:

தமிழ்நாட்டில் இருந்து புறப்பட்டு உலக அளவில் சாதித்த தமிழர்களில் ஒருவர் முஹம்மது யஹ்யா. தஞ்சாவூர் மாவட்டம் நடுக்கடை கிராமத்தில் விவசாய குடும்பத்தில் பிறந்த இவர், பொருளாதார சூழல் காரணமாக 10-ம் வகுப்போடு படிப்பை நிறுத்தினார்.

1983-ஆம் ஆண்டு துபாய் சென்ற இவர், அங்கு ஒரு பூக்கடையில் குறைந்த சம்பளத்திற்கு விற்பனையாளராக பணியாற்றினார். ஆனால் அந்த வேலையோடு நிற்கவில்லை. பூ வர்த்தகத்தின் நுணுக்கங்களை கற்றுக் கொண்டார்.

1990-ம் ஆண்டு தனது சிறிய சேமிப்பும் சகோதரரின் ஆதரவுடன் அஜ்மானில் ஒரு சிறிய பூக்கடையை திறந்தார். அதுவே இன்று *பிளாக் டியூலிப் குழுமம்* என்ற மாபெரும் நிறுவனமாக வளர்ந்துள்ளது.

இன்றைய சாம்ராஜ்யம்

- கென்யா, எத்தியோப்பியா, தமிழ்நாட்டின் ஓசூர் உட்பட உலகம் முழுவதும் 8,000 ஏக்கரில் பூக்கள் பயிரிடப்படுகின்றன

சுமார் 10,000 தொழிலாளர்களுக்கு வேலைவாய்ப்பு
- 300 வகைகளில் 10 லட்சத்திற்கும் மேற்பட்ட பூக்கள் உற்பத்தி செய்யப்படுகின்றன.

நெதர்லாந்து, UAE, கத்தார், சவுதி, இந்தியா, சீனா, மலேசியா உட்பட 30 நாடுகளுக்கு ஏற்றுமதி செய்கிறார் முஹம்மது யஹ்யா

ஹோட்டல்கள், பிரம்மாண்ட திருமணங்கள், சர்வதேச நிகழ்ச்சிகளில் பிளாக் டியூலிப் பூக்கள் இடம் பெறுகின்றன.

முஹம்மத்ய் யஹ்யா கூறுகிறார்:

"ஒரு பூவின் எளிய இருப்பு யார் முகத்திலும் புன்னகையை கொண்டு வரும். பூக்கள் மகிழ்ச்சியை குறிக்கின்றன. அதை உலகம் முழுவதும் பரப்புவதே எங்கள் நோக்கம்."

முதல் தலைமுறை தொழில்முனைவோருக்கு வழிகாட்டுதல், நிதி உதவி வழங்கி வரும் இஹியா, சமீபத்தில் நடைபெற்ற சர்வதேச மலர் வர்த்தக கண்காட்சியில் (IFTF 2025) தனது குழுமத்தின் பூக்களை காட்சிப்படுத்தி உலகின் கவனத்தை ஈர்த்தார்.

தமிழர்களுக்கு உத்வேகம்:

படிப்பு இல்லை, பணம் இல்லை என்று சொல்லி நின்றுவிடாமல், உழைப்பாலும் நம்பிக்கையாலும் உலக சாதனை படைக்க முடியும் என்பதற்கு முஹம்மது யஹ்யாவின் வாழ்க்கை ஒரு சிறந்த எடுத்துக்காட்டு

- ஃபிதா