இன்று தங்க விலை சரிந்தது

கோலாலம்பூர்:

தங்க விலை இன்று காலை முதல் சரிந்து வருகிறது.

அது 0.7 விழுக்காடு சரிந்து அவுன்சுக்குச் சுமார் 4,700 டாலரானது.

அமெரிக்க, ஈரான் அமைதிப் பேச்சுவார்த்தையில் முன்னேற்றம் இல்லாததும் சந்தையைப் பாதித்துள்ளது.

பிரெண்ட் கச்சா எண்ணெய் விலை 15 காசு குறைந்து சுமார் 101 டாலராருக்கு விற்பனை ஆனது. கிட்டத்தட்ட இரு வாரங்களுக்குப் பிறகு நேற்று அதன் விலை பீப்பாய் 100 டாலருக்குமேல் பதிவானது.

எண்ணெய் விலையுயர்வு பணவீக்கத்தைத் தூண்டக்கூடும் என்று கவனிப்பாளர்கள் கூறுகின்றனர். எனவே வட்டி விகிதங்கள் உயர வாய்ப்புள்ளது.

அது தங்கத்தின் மீதான முதலீட்டாளர்களின் ஆர்வத்தைக் குறைத்துள்ளது. மலேசியாவில் 916 ஆபரணத்தங்கம் ஒரு கிராம் 576 ரிங்கிட்டிற்கு விற்பனை ஆனது. நேற்று 580 ரிங்கிட்டிற்கு விற்பனை ஆனது.. 

தலைநகரில் இன்று பிற்பகலில் 999 கட்டித்தங்கம் 603 ரிங்கிட் விற்பனை ஆகிக் கொண்டிருக்கிறது.

- பார்த்திபன் நாகராஜன்