ஆந்திராவில் கொடூரம்: கள்ளக்காதலுக்குத் தடையாக இருந்த கணவன் கொலை

திருப்பதி:

ஆந்திர மாநிலத்தில் கள்ளக்காதல் விவகாரத்தால் கணவர் அடித்துக் கொல்லப்பட்ட கொடூரச் சம்பவம் அரங்கேறியுள்ளது. ஒரு நபரின் மனைவியுடன் பழகி வந்த அவரது காதலனும், அவனது கூட்டாளிகளும் சேர்ந்து இந்தத் திட்டமிட்ட கொலையைச் செய்துள்ளனர்.

உயிரிழந்தவரின் சடலத்துடன் அவரது மகன் இரவு முழுவதும் அதே வீட்டில் தங்கியிருந்த நெஞ்சை உருக்கும் தகவல் தற்போது வெளியாகியுள்ளது.

பாதிக்கப்பட்ட நபர் தனது மனைவியின் கள்ளக்காதலை எதிர்த்ததே இந்தக் கொலைக்கு முக்கியக் காரணமாகத் தெரிகிறது.

சம்பவத்தன்று, மனைவியின் காதலன், அவனது நண்பர்கள் அந்த நபரை வழிமறித்துக் கற்கள், கட்டைகளால் கடுமையாகத் தாக்கியுள்ளனர். 

இதில் பலத்த காயமடைந்த அவர் சம்பவ இடத்திலேயே உயிரிழந்தார். தந்தை உயிரிழந்தது தெரியாமல், சிறுவனான அவரது மகன் விடியும் வரை சடலத்தின் அருகிலேயே இருந்துள்ளார்.

மறுநாள் காலையில் ரத்த வெள்ளத்தில் கிடந்த உடலைப் பார்த்த அக்கம்பக்கத்தினர் காவல்துறைக்குத் தகவல் அளித்தனர். சம்பவ இடத்திற்கு விரைந்த போலிசார், உடலைக் கைப்பற்றிப் பிரேதப் பரிசோதனைக்கு அனுப்பி வைத்தனர். 

இது தொடர்பாக வழக்குப் பதிவு செய்துள்ள போலிசார், தலைமறைவாக உள்ள மனைவியின் காதலன், அவனது கூட்டாளிகளைத் தீவிரமாகத் தேடி வருகின்றனர்.

இந்தக் கொடூரச் சம்பவத்தில் உயிரிழந்த நபரின் மனைவிக்குத் தொடர்பு உள்ளதா என்ற கோணத்திலும் விசாரணை முடுக்கிவிடப்பட்டுள்ளது.

தந்தையின் சடலத்துடன் ஒரு சிறுவன் இரவு முழுவதும் தங்கியிருந்த சம்பவம் அந்தப் பகுதியில் பெரும் சோகத்தையும் அதிர்ச்சியையும் ஏற்படுத்தியுள்ளது.

-கிரித்திக்கா