செய்திகள் வணிகம்
அமெரிக்க டாலருக்கு எதிரான வர்த்தகத்தில் ரிங்கிட்டின் மதிப்பு தொடர்ந்து முன்னேற்றம்
செய்தி 3
கோலாலம்பூர்:
NFP (விவசாயம் அல்லாத தொழில் வேலையாட்கள்) எண்ணிக்கை குறைவாக இருக்கும் என்ற எதிர்பார்ப்பில் சந்தை தயாராகும் நிலையில் வெள்ளியன்று ஆரம்ப வர்த்தகத்தில் ரிங்கிட் அமெரிக்க டாலருக்கு எதிராக வலுப்பெற்றது. இது அமெரிக்க டாலரில் அழுத்தத்தை ஏற்படுத்தி பிராந்திய நாணயங்களை ஆதரித்துள்ளது.
வியாழக்கிழமை 4.0365/0430 ஆக சந்தை மூடியதிலிருந்து உள்ளூர் நாணயம் இன்று காலை 11 மணிக்கு, அமெரிக்க டாலருக்கு எதிராக 4.0180/0380 ஆக உயர்ந்தது.
IPPFA Sdn Bhd-இன் முதலீட்டு வியூகத்தின் இயக்குநரும் பொருளியலாளருமான முஹம்மத் செடெக் ஜாந்தான், என்ஃப்பி தரவு குறித்த எதிர்பார்ப்புகள் டாலரில் அழுத்தம் ஏற்படுத்தக்கூடிய குறைவான வாசிப்பை நோக்கி சாய்கின்றன என்று கூறினார்.
"இது ஆசிய நாணயங்களை ஆதரிக்கும் மறுசீரமைப்பைக் காட்டுகிறது.
"என்ஃப்பி தரவில் எந்த திடுக்கிட வைக்கும் தகவலும் ஃபெடரல் ரிசர்வ் எதிர்பார்ப்புகளில் மிதமான மறுசீரமைப்பைத் தூண்டும், டாலருக்கான வட்டி ஆதரவைக் குறைக்கும் என்று எதிர்பார்க்கப்படுவதால் ரிங்கிட் வலுப்படுவதற்கு இடம் உருவாகிறது" என்று அவர் பெர்னாமாவிடம் தெரிவித்தார்.
எனினும், குறுகியகால போக்கு ரிங்கிட் வலுப்பெறுவதை ஆதரித்தாலும், அமெரிக்கா-ஈரான் இடையே தொடரும் பதற்றங்கள் டாலர் பணப்புழக்கத்திற்கான பாதுகாப்பான சொத்துக்களுக்கான தேவையைத் தொடர்ந்து வலுப்படுத்துவதால், பேரியல் சூழல் டாலருக்குச் சாதகமாகவே உள்ளது என்று அவர் கூறினார்.
இதற்கிடையே, உள்ளூர் நாணயம் முக்கிய நாணயங்களுக்கு எதிராக உயர்வுடன் காணப்பட்டது. வியாழக்கிழமை மாலை முடிவடைந்த வர்த்தக சந்தையிலிருந்து பிரிட்டிஷ் பவுண்டுக்கு எதிராக 5.3278/3364-லிருந்து 5.3158/3423 ஆகவும், ஜப்பானிய யென்னுக்கு எதிராக 2.5295/5337-லிருந்து 2.5191/5318 ஆகவும், யூரோவிற்கு எதிராக 4.6517/6592-லிருந்து 4.6372/6603 ஆகவும் வலுப்பெற்றது.
ஆசியான் நாணயங்களுக்கு எதிராகவும் உள்ளூர் நாணயம் உயர்வாக வர்த்தகமானது. வியாழக்கிழமை நிலையிலிருந்து சிங்கப்பூர் டாலருக்கு எதிராக 3.1364/1417-லிருந்து 3.1254/1422 ஆகவும், பிலிப்பைன்ஸ் பேசோவிற்கு எதிராக 6.66/6.68-லிருந்து 6.63/6.67 ஆகவும் உயர்ந்தது. இந்தோனேசியா ருபியாவிற்கு எதிராக 237.4/237.9-லிருந்து 236.3/237.6 ஆகவும், தாய்லாந்து பாட்டிற்கு எதிராக 12.3180/3447-லிருந்து 12.3161/3930 ஆகவும் உயர்ந்தது.
தொடர்ந்து, இந்திய ரூபாய் ஒரு ரிங்கிட்டிற்கு 22.98 காசாக விற்பனை செய்யப்படுகிறது. டாலருக்கு எதிராக இந்திய ரூபாய் 92.78 காசுக்கு விற்பனை செய்யப்படுகிறது.
-சங்கீர்த்தனா
தொடர்புடைய செய்திகள்
November 10, 2026, 9:29 am
பணவீக்கம் குறைந்தும் விலைகள் அதிகமாக இருப்பதாக மலேசியர்கள் உணர காரணம் என்ன? பேங்க் நெகாரா விளக்கம்
November 1, 2026, 8:27 am
தீபாவளியையொட்டி ஒரே நாளில் ரூ.4 கோடிக்கு ஆடுகள் விற்பனை: வடலூர் சந்தையில் 1500 ஆடுகள் விற்பனை
October 31, 2026, 10:36 pm
துபாய் பெண் ஊழியருக்கு 1.3 மில்லியன் ரிங்கிட் மதிப்பில் லம்போர்கினி கார் பரிசு
October 30, 2026, 3:01 pm
ஒரே நாளில் பல கோடியை ரூபாய் இழந்த கூகுள் நிறுவனம்
October 28, 2026, 9:32 pm
இந்திய பங்குச் சந்தையில் ஜியோ அதிரடி அறிமுகம்: இந்தியாவில் 2ஆம் இடத்தைப் பிடித்தது
October 23, 2026, 2:56 pm
சீனாவின் BYD ரக கார்களுக்கு அமெரிக்கா தடை விதித்தது
October 23, 2026, 9:07 am
92 ஆண்டுகளுக்குப் பிறகு லீ பிஸ்கட்ஸ், பிஸ்கட் நிறுவனம் உற்பத்தியை நிறுத்துகிறது
October 22, 2026, 3:09 pm
மலேசிய சாதனைப் புத்தகத்தில் டும் டும் மேட்ரிமோனி: மிகப்பெரிய இந்தியத் திருமணத் தளமாக அங்கீகாரம்
October 21, 2026, 9:08 pm
