காசநோய் குழந்தைகளுக்கு 47,000 ரூபாய் திரட்டிய பணியாளர்கள்

மும்பை: 

மும்பையில் உள்ள அரசு மருத்துவமனை ஒன்றின் பணியாளர்கள், காசநோய்க்கு சிகிச்சை பெற்று வரும் குழந்தைகளுக்காக மனிதநேய உதவியாக நிதி திரட்டி உணவு தொகுப்புகளை வழங்கியுள்ளனர். 

மொத்தம் 52 பணியாளர்கள் இணைந்து 47,000 ரூபாய் திரட்டி, சுமார் 50 குழந்தைகளுக்கு மூன்று மாதங்களுக்கு தேவையான உணவுப் பொருட்கள் வழங்கப்பட்டன.

இந்த குழந்தைகள், குறிப்பாக ஐந்து வயதிற்குக் குறைவானவர்கள், நீண்டகாலமாக சக்திவாய்ந்த மருந்துகள் எடுத்துக்கொண்டு சிகிச்சை பெற்று வருகின்றனர்.

அவர்களின் உடல்நிலையை கண்காணிக்க கண் பார்வை, நரம்பு செயல்பாடு, இதய துடிப்பு உள்ளிட்ட பரிசோதனைகள் முறையாக மேற்கொள்ளப்படுகின்றன.

கடந்த நான்கு ஆண்டுகளாக, கடுமையான காசநோய்க்கு எதிரான புதிய மருந்து வழங்கப்பட்டு வருகிறது. இந்த காலத்தில் பல குழந்தைகள் குணமடைந்துள்ளதுடன், சிலர் உயிரிழந்ததாகவும் தெரிவிக்கப்பட்டது. தற்போது மீதமுள்ளவர்கள் சிகிச்சை பல்வேறு கட்டங்களில் உள்ளனர்.

மருத்துவர்கள் தெரிவித்ததாவது, இந்த மருந்து குழந்தைகளுக்கு பாதுகாப்பானது என்பதும் உறுதி செய்யப்பட்டுள்ளது. வாரந்தோறும் புதிய நோயாளிகள் பதிவாகி வரும் நிலையில், இந்த முயற்சி குழந்தைகளின் நலனை பாதுகாக்கவும், சிகிச்சை காலத்தை எளிதாக்கவும் உதவுகிறது.

-கிரித்திக்கா