வெளிநாட்டு அனிமேஷன் தாக்கம்: குழந்தைகள் சிந்தனைக்கு புதிய அறைகூவல்

மலேசியாவில் அனிமேஷன் துறை உலகளவில் முன்னேற்றம் கண்டிருந்தாலும், நாட்டின் படைப்பாற்றல் சூழல் இன்னும் வெளிநாட்டு கதைகளின் தாக்கத்தில் இருப்பதாக கருத்து வெளியிடப்பட்டுள்ளது.

குறிப்பாக, குழந்தைகள் அதிகமாக வெளிநாட்டு அனிமேஷன் உள்ளடக்கங்களைப் பார்ப்பதால், அவர்களின் சிந்தனை, கற்பனை உலகம் வெளிநாட்டு மதிப்புகளால் பாதிக்கப்படுகின்றது.

உள்ளூர் அனிமேஷன் படைப்புகள் சர்வதேச சந்தையில் வெற்றி பெற்றுள்ளன. ஆனால், நாட்டுக்குள் குழந்தைகள் அதிகம் அணுகும் உள்ளடக்கங்கள் வெளிநாட்டு கதைகளாகவே உள்ளதால், உள்ளூர் கலாச்சாரம், அடையாளம் பின்தள்ளப்படும் அபாயம் உள்ளது.

இந்த நிலைமை “கற்பனை ஆதிக்கம்” எனக் கருதப்படுகிறது. இது மெதுவாக குழந்தைகளின் மனப்பாங்கு, வாழ்க்கை மதிப்புகள், சமூக புரிதல்களை மாற்றக்கூடியது. எனவே, உள்ளூர் கதைகள், கலாச்சாரத்தை பிரதிபலிக்கும் அனிமேஷன் தயாரிப்புகளை அதிகரிக்க வேண்டிய அவசியம் வலியுறுத்தப்படுகிறது.

உள்ளூர் அனிமேஷன் வளர்ச்சியை மேலும் வலுப்படுத்துவதுடன், குழந்தைகளுக்கு தாய்நாட்டு அடையாளம், பண்பாட்டை கொண்ட உள்ளடக்கங்களை வழங்குவது காலத்தின் தேவையாகும்.

இல்லையெனில், எதிர்கால தலைமுறையின் சிந்தனை உலகமே வெளிநாட்டு தாக்கத்தில் உருவாகும் அபாயம் இருப்பதாக எச்சரிக்கை விடுக்கப்பட்டுள்ளது.

-கிரித்திக்கா