கோபா டெல் ரெய் கிண்ணம்: அரையிறுதியில் அட்லாட்டிகோ மாட்ரிட்

மாட்ரிட்:

கோபா டெல் ரெய் கிண்ண கால்பந்து போட்டியில் அரையிறுதிக்கு அட்லாட்டிகோ மாட்ரிட் அணியினர் முன்னேறினர்.

லா கார்துஜா அரங்கில் நடைபெற்ற காலிறுதி ஆட்டத்தில் அட்லாட்டிகோ மாட்ரிட் அணியினர் ரியால் பெதிஸ் அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய அட்லாட்டிகோ மாட்ரிட் அணியினர் 5-0 என்ற கோல் கணக்கில் ரியால் பெதிஸ் அணியை வீழ்த்தி வெற்றி பெற்றனர்.

அட்லாட்டிகோ மாட்ரிட் அணியின் வெற்றி கோல்களை டேவிட் ஹான்கோ, கியுலியானோ சிமியோன், அந்தோனியோ கிரீஸ்மேன்,  அடெமோலா லுக்மேன், தியாகோ அல்மடா ஆகியோர் அடித்தனர்.

இந்த வெற்றியை தொடர்ந்து அட்லாட்டிகோ மாட்ரிட் அணியினர் கோபா டெல் ரெய் கிண்ண கால்பந்து போட்டியின் அடுத்த சுற்றுக்கு முன்னேறினர்.

இத்தாலி கிண்ண கால்பந்து போட்டியில் ஜூவாந்தஸ் அணியினர் 0-3 என்ற கோல் கணக்கில் அட்லாண்டா அணியிடம் தோல்வி கண்டனர்.

- பார்த்திபன் நாகராஜன்