இலங்கை சாலைகள் பாதுகாப்பற்றவையா?: 2025-இல் அதிகரித்த உயிரிழப்புகள்

கொழும்பு:

2025-ஆம் ஆண்டு இலங்கையில், உயிரிழப்பை ஏற்படுத்திய சாலை விபத்துகள் 2,562 ஆக பதிவாகியுள்ளதை சின்ஹுவா செய்தி நிறுவனம் தெரிவித்துள்ளது. இது, 2024-ஆம் ஆண்டில் பதிவான 2,287 விபத்துகளுடன் ஒப்பிடுகையில் மிக உயர்வாகும்.

இலங்கை காவல்துறையின் செய்தி தொகுப்பாளர் எப்.யூ. வூட்லர், 2025-ஆம் ஆண்டில் நடந்த சாலை விபத்துகளில் மொத்தம் 2,710 பேர் உயிரிழந்ததாக கூறினார். 

இது, முந்தைய ஆண்டை விட 322 மரணங்கள் அதிகம் என அவர் தெரிவித்தார். இலங்கையில் நிகழும் சாலை விபத்துகளில் சுமார் 85 சதவீதம், உளவியல் அழுத்தம் தொடர்பான பிரச்சினைகளால் ஏற்படுகின்றன என்றும் அவர் கூறினார்.

2025-ஆம் ஆண்டில் சாலை விபத்துகளுக்கான முக்கிய காரணங்களாக, அதிவேக ஓட்டம், மதுபானத்தின் தாக்கத்தில் வாகனம் ஓட்டுதல், உடல் சோர்வு, போதைப்பொருள் பயன்பாடு ஆகியவை உள்ளதாகவும் வூட்லர் விளக்கினார்.

மேலும், உயிரிழப்பு விபத்துகளை கணிசமாக குறைக்கும் நோக்கில், காவல்துறை தலைமையில் சில புதிய நடவடிக்கைகள் 2026-ஆம் ஆண்டில் அமல்படுத்தப்படும் என்றும் அவர் தெரிவித்தார்.

இதற்கிடையில், மோட்டார் போக்குவரத்து ஆணையத்தின் தலைவர் கமல் அமரசிங்க, 2026-ஆம் ஆண்டில் ஓட்டுநர்களுக்கான ‘புள்ளி குறைபாடு அமைப்பு’ (demerit system) முழுமையாக அமல்படுத்தப்படும் என முன்னதாக அறிவித்திருந்தார். மீண்டும் போக்குவரத்து விதிகளை மீறும் ஓட்டுநர்களை கண்காணித்து, டிஜிட்டல் தரவுத்தளத்தின் மூலம் அபராதத்தையும், தண்டனைகளையும் விதிப்பதன் மூலம், சாலை விபத்துகளின் அதிகரிப்பை கட்டுப்படுத்துவதே இதன் நோக்கம் என தெரிவிக்கப்பட்டுள்ளது.

- கிரித்திகா