வங்கதேசத்தில் வன்முறை: மாணவர் சங்கத் தலைவர் சுட்டுக் கொல்லப்பட்டதால் பதற்றம்

டாக்கா: 

வங்​கதேசத்​தில் முக்​கிய மாணவர் இயக்​கத் தலை​வ​ரான ஷெரீப் உஸ்​மான் ஹாடி சுட்​டுக் கொல்​லப்​பட்​டதை தொடர்ந்​து, அங்கு இந்​தி​யா​வுக்கு எதி​ரான போ​ராட்​டம் தீவிரமடைந்​துள்​ளது. 

முன்னாள் பிரதமர் ஷேக் ஹசீ​னாவுக்கு எதி​ராக மாணவர் அமைப்​பு​கள் கடந்த ஆண்டு நடத்​திய போராட்​டத்​தில் வன்​முறை வெடித்​தது. இதையடுத்​து, பிரதமர் பதவி​யில் இருந்து வில​கிய ஷேக் ஹசீ​னா, நாட்​டை​விட்டு வெளி​யேறி இந்​தி​யா​விற்கு தப்பி ஓடினார். மோடி அரசு அவருக்கு அடைக்கலம் தந்தது. இதை தொடர்ந்​து, பொருளா​தார நிபுண​ரான முஹம்மது யூனுஸ் தலை​மை​யில் இடைக்​கால அரசு அமைக்​கப்​பட்​டு, செயல்​பட்டு வரு​கிறது.

வங்​கதேசத்​தில் 2026 பிப்​ர​வரி 12-ம் தேதி பொதுத் தேர்​தல் நடை​பெறும் என்று அறிவிக்​கப்​பட்​டுள்​ளது. இதில், டாக்​கா-8 தொகுதி வேட்​பாள​ராக ஷெரீப் உஸ்​மான் ஹாடி (32) என்ற மாணவர் தலை​வர் களமிறங்​கி​னார். இன்​கிலாப் மஞ்சா என்ற மாணவர் போராட்​டக் குழு​வின் மூத்த தலை​வ​ரான இவர், கடந்த ஆண்டு மாணவர் போராட்​டத்தை வழிநடத்​திய முக்​கிய தலை​வர்​களில் ஒரு​வர்.

இந்​நிலை​யில், டாக்​கா​வில் கடந்த 12-ம் தேதி பிரச்​சா​ரத்தை தொடங்​கிய இவரை, முகமூடி அணிந்த மர்ம நபர்​கள், தலை​யில் சுட்​டனர். இதில் படு​கா​யம் அடைந்த அவருக்கு டாக்​கா​வில் தீவிர சிகிச்சை அளிக்​கப்​பட்​டது. இதில் முன்​னேற்​றம் இல்​லாத​தால் கடந்த 13-ம் தேதி ஆம்​புலன்ஸ் விமானம் மூலம் சிங்​கப்​பூர் கொண்டு செல்​லப்​பட்​டு, அங்கு உள்ள மருத்​து​வ​மனை​யில் சேர்க்​கப்​பட்​டார். தீவிர சிகிச்சை அளித்​தும் பலனின்றி ஷெரீப் உஸ்​மான் ஹாடி நேற்று முன்​தினம் இரவு உயி​ரிழந்​தார்.

இந்த தகவல் வெளி​யானதை அடுத்​து, கொலை​யாளி​களைக் கைது செய்​யக் கோரி டாக்கா உட்பட பல்​வேறுபகு​தி​களி​லும் ஆயிரக்​கணக்​கான மாணவர்​கள் போராட்​டத்​தில் குதித்​தனர். 

இந்த படுகொலைக்கு பின்னணியில் இருப்பதாக இந்​தி​யா​வுக்கு எதி​ராக​வும், அவாமி லீக் கட்சி, முன்​னாள் பிரதமர் ஷேக் ஹசீ​னா​வுக்கு எதி​ராக​வும் பொது மக்கள் கோஷம் எழுப்​பினர். 

பாது​காப்​புப் படை​யினர், கண்​ணீர் புகைக் குண்​டு​களை வீசி, அவர்​களை தடுத்து நிறுத்​தினர். அவாமி லீக் கட்​சிக்கு சொந்​த​மான இடங்​கள் மீதும் மாணவர்​கள் தாக்​குதல் நடத்தி வரு​கின்​றனர்.  

- ஆர்யன்