அர்மடா நிதி மோசடிக்கு சைட் சாடிக் மூளையாக செயல்பட்டார்: அரசு தரப்பு வாதம்

புத்ராஜெயா:

அர்மாடாவின் அப்போதைய உதவிப் பொருளாளர் ரபிக் ஹக்கீம் ரசாலி செய்த 1 மில்லியன் ரிங்கிட் நம்பிக்கை மோசடிக்குப் பின்னணியில் சைட் சாடிக் தான் மூளையாக செயல்பட்டுள்ளார்.

அரசு தரப்பு இன்று கூட்டரசு நீதிமன்றத்தில் வாதிட்டது.

கடந்த 2020ஆம் ஆண்டு மார்ச் 6ஆம் தேதி அன்று மூவார் நாடாளுமன்ற உறுப்பினரான அவர் ரபீக் ஹக்கீமுக்கு (13ஆவது அரசு தரப்பு சாட்சி) 1 மில்லியன் ரிங்கிட்டை திரும்பப் பெறுமாறு அறிவுறுத்தியதாக துணை அரசு வழக்கறிஞர் டத்தோ வான் ஷஹாருடின் வான் லாடின் வாதிட்டார்.

மேலும் சைட் சாடிக் வாட்ஸ்அப் அழைப்பு மூலம் உத்தரவிட்டதாகவும், பின்னர் நிதியை திரும்பப் பெற்றதாகவும் ஒப்புக்கொண்ட எஸ்பி13 இன் அறிக்கை, விசாரணை கட்டத்தில் மறுக்க முடியாத உண்மையாக இருந்தது.

எஸ்பி 13 இன் நம்பிக்கை மீறலில் மூளையாக இருந்த அல்லது மூளையாக இருந்த சைட் சாடிக் முழுமையாகக் குற்றம் சாட்டப்பட வேண்டும் என்பதே எங்கள் வழக்கு என்று அவர் கூறினார்.

- பார்த்திபன் நாகராஜன்