இங்கிலாந்து பிரிமியர் லீக்: மென்செஸ்டர் யுனைடெட், அர்செனல் சமநிலை

லண்டன்:

இங்கிலாந்து பிரிமியர் லீக் கால்பந்து போட்டியில் மென்செஸ்டர் யுனைடெட், அர்செனல் அணிகள் சமநிலை கண்டன.

லண்டனில் நடைபெற்ற ஆட்டத்தில் மென்செஸ்டர் யுனைடெட் அணியினர் டோட்டன்ஹாம் அணியை சந்தித்து விளையாடினர்.

விறுவிறுப்பாக நடைபெற்ற இந்த ஆட்டத்தில் மென்செஸ்டர் யுனைடெட் அணியினர் 2-2 என்ற கோல் கணக்கில் டோட்டன்ஹாம் அணியுடன் சமநிலை கண்டனர்.

மற்றொரு ஆட்டத்தில் அர்செனல் அணியினர் 2-2 என்ற கோல் கணக்கில் சண்டர்லேண்ட் அணியுடன் சமநிலை கண்டனர்.

செல்சி அணியினர் 3-0 என்ற கோல் கணக்கில் வோல்வேர்ஹாம்டன் அணியை வீழ்த்தி வெற்றி பெற்றனர்.

மற்ற ஆட்டங்களில் எவர்ட்டன், வெஸ்ட்ஹாம் யுனைடெட் ஆகிய அணிகள் வெற்றி பெற்றன.

- பார்த்திபன் நாகராஜன்