ஜோஹான் செத்தியாவில் 152 ஆரோக்கியமற்ற காற்று மாசுபாட்டு குறியீடு பதிவு

ஷா ஆலம்:

இன்று காலை 8 மணி நிலவரப்படி ஜோஹான் செத்தியாவில் 152 ஆரோக்கியமற்ற காற்று மாசுபாடு குறியீடு (API) பதிவு செய்யப்பட்டுள்ளது.

தீபகற்பம், சபா மற்றும் சரவாக்கில் உள்ள பல பகுதிகள் மிதமான அளவீடுகளைப் பதிவு செய்துள்ளன எனச் சுற்றுச்சூழல் துறையின் மலேசியக் காற்று மாசுபாடு குறியீட்டு மேலாண்மை அமைப்பு தனது அகப்பக்கத்தில் தெரிவித்துள்ளது. 

101 முதல் 200 வரை API அளவீடு, முதியவர்கள், குழந்தைகள் மற்றும் சுவாச நோய்கள் உள்ள நபர்கள் உள்ளிட்ட அதிக ஆபத்துள்ள குழுக்களை பாதிக்கலாம்.

நாடு முழுவதும் உள்ள 68 காற்று தர கண்காணிப்பு நிலையங்களின் அடிப்படையில் ஒவ்வொரு மணி நேரமும் API தரவு வெளியிடப்படுகிறது.

கூடுதல் தகவல்களுக்கு பொதுமக்கள் https://eqms.doe.gov.my/APIMS/main என்ற வலைத்தளத்தை நாடலாம் அல்லது Google Play அல்லது App Store இல் MyJAS EQMS பயன்பாட்டைப் பதிவிறக்கலாம்.

புகைமூட்டத்தின் போது சுகாதார ஆலோசனை மற்றும் தடுப்பு நடவடிக்கைகளையும் சுகாதார அமைச்சகம் வெளியிட்டது, இதை www.moh.gov.my என்ற வலைத்தளத்தில் காணலாம்.

- அஸ்வினி செந்தாமரை