ராஜேந்திர சோழனின் சிலையை கட்டி இன்று பிறந்தநாளை கொண்டாடியது ஒட்டுமொத்த மலேசிய தமிழர்களுக்கும் பெருமை: டத்தோஸ்ரீ தனேந்திரன்

சுங்கைப்பட்டாணி:

மாவீரர் ராஜேந்திர சோழனின் சிலையை கட்டி இன்று பிறந்தநாளை கொண்டாடியது ஒட்டுமொத்த மலேசிய தமிழர்களுக்கும் கிடைத்த பெருமையாகும்.

மலேசிய மக்கள் சக்தி கட்சியின் தலைவர் டத்தோஸ்ரீ ஆர்எஸ் தனேந்திரன் இதனை கூறினார்.

கெடா சுங்கை பட்டாணியில் உள்ள அருள்மிகு சிவலிங்கேஸ்வரர் கோயிலில் ஒட்டுமொத்த தமிழர்களின் அடையாளமாக விளங்கும் தமிழ் மன்னர் ராஜேந்திர சோழனின் உருவச் சிலை கட்டப்பட்டது.

கடந்தாண்டு மார்ச் மாதம் இந்த சிலை அதிகாரப்பூர்வமாக திறப்பு விழா கண்டது.

இந்நிலையில் இன்று மன்னர் ராஜேந்திர சோழன் அவதரித்த ஆடி திருவாதிரை நட்சத்திரத்தின் அடிப்படையில் பிறந்தநாள் பெருவிழா கொண்டாடப்பட்டது.

தமிழ்நாட்டைச் சேர்ந்த தமிழ் சேவா சங்கத்தின் நிறுவனர் ஞானசரவணவேல் எஸ்.பி.யுடன் இணைந்து ராஜேந்திர சோழனின் சிலைக்கு மாலை அணிவித்தேன்.

இந்திய, தமிழ் உலக வரலாற்றில் மிகச்சிறந்த ஆட்சியாளர்களில் ஒருவரான அவருக்கு உரிய மரியாதையை செலுத்தினோம்.

மன்னர் ராஜேந்திர சோழனின் குறிப்பிடத்தக்க மரபு பற்றிய நுண்ணறிவுகளை அனைவரும் தெரிந்து கொள்ள வேண்டும்.

மேலும் அவரது தலைமை, கடற்படை வலிமை, நாகரிக அணுகல் கடல்களுக்கு அப்பால் விரிவடைந்தது.

குறிப்பாக தமிழ் சாம்ராஜ்யத்தை உலகளவில் உயர்த்திய ஒரு தொலைநோக்குப் பார்வை கொண்ட அரசர் என்று டத்தோஸ்ரீ தனேந்திரன் கூறினார்.

இன்றைய விழா தமிழர் ஒற்றுமை, பெருமை, கலாச்சார வலிமையின் ஒரு உற்சாகமான வெளிப்பாடாக அமைந்தது.

மேலும் இந்த மரபைப் பாதுகாத்து, கௌரவித்து, எதிர்கால சந்ததியினருக்குக் கடத்துவது நமது கடமையாகும்.

மன்னர் ராஜேந்திர சோழன் உலகெங்கிலும் உள்ள தமிழர்களை பெருமை, தைரியம்.

இதை யாரும் மறந்து விடக் கூடாது என்று அவர் கூறினார்.

முன்னதாக ராஜேந்திர சோழனுக்கு தமிழ்நாடு கொண்டுள்ள பெருமை,  மரியாதை குறித்து ஞானசரவணவேல் உணர்ச்சிவசப்பட்டுப் பேசினார்.

மலேசியாவில், தனது சங்கத்துடன் இணைந்து, இதே நிகழ்வை மிகப் பெரிய அளவில் ஏற்பாடு செய்ய உதவுவதற்கான தனது விருப்பத்தையும் அவர் கூறினார்.

- பார்த்திபன் நாகராஜன்