ஜொகூரில் பள்ளி வேன் தடம் புரண்டது; தமிழ்ப்பள்ளி மாணவர்கள் உட்பட 16 பேர் காயம்

ஜொகூர்பாரு:

பள்ளி வேன் தலைக்கீழாக தடம் புரண்ட சம்பவத்தில் தமிழ்ப்பள்ளி மாணவர்கள் உட்பட 16 பேர் காயமடைந்தனர்.

இந்த சம்பவம் இன்று அதிகாலை இங்குள்ள ஜாலான் அப்துல் சமத்தில் நிகழ்ந்தது.

இச்சம்பவத்தில் பள்ளி வேன் கவிழ்ந்து விபத்துக்குள்ளானதில் 16 மாணவர்கள் கை, விரல்கள் உடைந்து காயம் அடைந்தனர்.

பாதிக்கப்பட்டவர்களில் 10 பேர் யாஹ்யா அவால் தமிழ்ப்பள்ளி மாணவர்களாவர்.

மற்றவர்கள் அமினுடி பாக்கி, முகமது காலித் இடைநிலைப்பள்ளி மாணவர்கள் ஆவர்.

இதனை மாநில கல்வி இலாகா, தகவல் குழுத் தலைவர் அஸ்னான் தமின் உறுதிப்படுத்தினார்.

சம்பவத்தில் பாதிக்கப்பட்ட மாணவர்களைப் பார்க்க சுல்தானா அமினா மருத்துவமனைக்கு சென்றிருந்தேன்.

பாதிக்கப்பட்டவர்களின் நிலை குறித்து மருத்துவமனை, பள்ளியிலிருந்து சமீபத்திய தகவல்களை பெற்றேன்.

மேலும் அவர்களுக்கு சிறந்த சிகிச்சை,  சுகாதார கண்காணிப்புகள் வழங்கப்படும்.

குறிப்பாக அனைத்து மாணவர்களின் நிலையையும் நான் அவ்வப்போது கண்காணிப்பேன் என்று அவர் கூறினார்.

- பார்த்திபன் நாகராஜன்