ஆற்றில் கார் கண்டுபிடிப்பு: மோட்டார் பிரபலத்தை தேடும் பணிகள் தீவிரம்!

முவார்:
 மோட்டார் சைக்கிள் பாகங்கள் விற்பனை மூலம் இன்ஸ்டாகிரமில் பிரபலமான 38 வயதான தெங்கு நிசாருடின் (Ija), கார் கெப்போங் சுங்கை துவா ஆற்றில் கண்ணெடுக்கப்பட்ட நிலையில், அவர் தேடும் பணி தொடர்ந்து வருகின்றது.

முன்னதாக அவர் கடந்த ஜூலை 14-ஆம் தேதி காணாமல் போனார். இவர் ஜொகூர் பாருவிலிருந்து, தனது சகோதரருடன் வணிகக் காரணமாக பரித் ஜாவாக்கு தனித்தனியாக காரில் சென்றிருந்தார்.

நேற்று பிற்பகல் 3 மணியளவில், பொதுமக்கள், அவரது வெள்ளை நிற Perodua Axia காரை, சுங்கை துவா பண்ணைக்கு அருகில் உள்ள ஆற்றின், கரை  மூழ்கிய நிலையில் கண்டுபிடித்தனர். 

இதனிடையே முவார் மற்றும் பாகோ தீயணைப்பு நிலைய மீட்பு படையினர், போலீசார் மற்றும் குக்குளிப்பு வீரர்கள் என மொத்தம் 45 பேரின் குழு, 10 கி.மீ. சுற்றளவில், நிலமும் ஆறும் இணைந்த பகுதிகளில் தொடர்ந்து தேடி வருகின்றனர்.

இன்று தேடுதல் பணிகள் இரண்டாவது நாளாக நடக்கின்றன என மாவட்ட தீயணைப்பு தலைவர் நோர்ஷுஹாதா அம்சாரி தெரிவித்தார்.

அவர் இப்போது உயிருடன் இல்லை என்ற உறுதி இல்லாத செய்திகள் சமூக ஊடகங்களில் பரவுவது தவறு என அவரது சகோதரர் தெங்கு அப்துல் அசிஸ் வேண்டுகோள் விடுத்துள்ளார்.

“இன்னும் எதுவும் உறுதி செய்யப்படவில்லை. எங்கள் குடும்பத்தின் நம்பிக்கையை மதியுங்கள். தயவு செய்து யாரும் அதாரமற்ற பேச்சுகளை பகிர வேண்டாம்,” எனக் கூறினார்.