பிபா கிளப் உலகக் கிண்ணம்: செல்சி தோல்வி

நியூயார்க்:

பிபா கிளப்புகளுக்கு இடையிலான உலகக் கிண்ண கால்பந்து போட்டியில் செல்சி அணியினர் தோல்வி கண்டனர்.

லிங்கன் அரங்கில் நடைபெற்ற ஆட்டத்தில் செல்சி அணியினர் பிளாமென்கோ அணியை சந்தித்து விளையாடினர்.

விறுவிறுப்பாக நடைபெற்ற இந்த ஆட்டத்தில் செல்சி அணியினர் 1-3 என்ற கோல் கணக்கில் பிளாமென்கோ அணியிடம் தோல்வி கண்டனர்.

பிளாமென்கோ அணியின் வெற்றி கோல்களை புருனோ ஹென்ரிக், டேனிலோ, வாலஸ் யான் ஆகியோர் அடித்தனர்.

பல முன்னணி ஆட்டக்காரர்களை கொண்டிருந்தும் செல்சி அணியினர் இவ்வாட்டத்தில் தோல்வி கண்டது அதன் ரசிகர்களுக்கு பெரும் ஏமாற்றமாக அமைந்தது.

மற்றொரு ஆட்டத்தில் பென்பிகா அணியினர் 6-0 என்ற கோல் கணக்கில் ஆக்லாந்து அணியை வீழ்த்தி வெற்றி பெற்றனர்.

- பார்த்திபன் நாகராஜன்