மனிதவள அமைச்சு பினாங்கு மாநில அரசுடன் இணைந்து சிப் வடிவமைப்பு அகாடமி திட்டத்தில் செயல்படும்: ஸ்டிவன் சிம்

கோலாலம்பூர்: 

மனிதவள அமைச்சகமும் பினாங்கு மாநில அரசு இணைந்து சிப் வடிவமைப்பு அகாடமி திட்டத்தில் செயல்படவுள்ளதாக மனிதவள அமைச்சர் ஸ்டிவன் சிம் தெரிவித்தார்.

குறைக்கடத்தி மற்றும் உயர் தொழில்நுட்பத் துறைகளை மேம்படுத்துவதை இந்தத் திட்டம் இலக்காகக் கொண்டுள்ளது என்று அவர் குறிப்பிட்டார். 

சிப் வடிவமைப்பு அகாடமியை உருவாக்குவதற்கான திட்டம் குறித்து தற்போது பினாங்கு மாநில அரசுடன் விவாதிக்கப்பட்டு வருவதையும் ஸ்டிவன் சிம் சுட்டிக் காட்டினார். 

இந்த அகாடமிகுறிப்பாக பினாங்கில் உள்ள குறைக்கடத்தி மற்றும் உயர் தொழில்நுட்பத் துறைகளுக்குத் தேவைப்படும்  அதிக பொறியியளாளர்களை உருவாக்கும் என்று அவர் இன்று வட மாநிலங்களுக்கான தேசிய பயிற்சி வார தொடக்க விழாவில் ஸ்டிவன் இவ்வாறு கூறினார்.

மலேசியா, பினாங்கிற்கு முதலீட்டாளர்களை ஈர்ப்பதற்கான ஒரு முயற்சியாகவும் இது பார்க்கப்படுகிறது.

- அஸ்வினி செந்தாமரை