டாலருக்கு எதிராக இந்திய ரூபாய் சரிந்தது 

மும்பை:

ஈரானின் அணுசக்தி தளங்கள் மீது இஸ்ரேல் நடத்திய தாக்குதலைத் தொடர்ந்தும், மத்திய கிழக்கில் அதிகரித்து வரும் பதற்றங்களுக்கு மத்தியிலும், உலகளாவிய கச்சா எண்ணெய் விலை அதிகரிப்பு மற்றும் உறுதியான டாலர் காரணமாக இன்றைய வர்த்தகத்தில் டாலருக்கு நிகரான இந்திய ரூபாய் 55 காசுகள் சரிந்து ரூ.86.07 ஆக முடிவடைந்தது.

ஃபியூச்சர் டிரேடிங்கில் பிரெண்ட் கச்சா எண்ணெய் ஒரு பீப்பாய்க்கு 7.27 சதவிகிதம் கடுமையாக உயர்ந்து 74.40 அமெரிக்க டாலராக உள்ளது.

வங்கிகளுக்கு இடையேயான அந்நியச் செலாவணியில், டாலருக்கு நிகரான இந்திய ரூபாய் 86.25 ஆக தொடங்கி ரூ.85.92 முதல் ரூ.86.25 என்ற வரம்பில் வர்த்தகம் ஆன நிலையில், இது அதன் முந்தைய முடிவை விட 55 காசுகள் சரிந்து ரூ.86.07 ஆக முடிந்தது.

- ஆர்யன்