சீனாவில் சூறாவளிக் காற்றால் ஆற்றில் சுற்றுலா படகு கவிழ்ந்து 9 பேர் உயிரிழப்பு

கியான்சி:

தென்மேற்கு சீனாவில் திடீரென வீசிய சூறாவளிக் காற்றால் ஆற்றில் 4 சுற்றுலா படகு கவிழ்ந்து 9 பேர் உயிரிழந்தனர். குசோயு மாகாணத்தில் உள்ள உயு ஆற்றில் படகுகள் கவிழ்ந்ததில் 80 பேர் ஆற்றில் விழுந்தனர். ஆற்றில் மூழ்கியவர்களில் 9 பேர் உயிரிழந்த நிலையில் மற்றவர்கள் பத்திரமாக மீட்கப்பட்டனர்.

தென்மேற்கு சீனாவின் குய்சோ மாகாணத்தில் உள்ள கியான்சியில் நேற்று பிற்பகல் ஏற்பட்ட திடீர் சூறாவளி காரணமாக நான்கு சுற்றுலாப் படகுகள் கவிழ்ந்ததில் ஒன்பது பேர் இறந்தனர். விபத்தில் மொத்தம் 84 பேர் தண்ணீரில் விழுந்தனர். அவர்களில் 70 பேர் மருத்துவமனையில் அனுமதிக்கப்பட்டுள்ளனர், அவர்களில் யாரும் உயிருக்கு ஆபத்தான நிலையில் இல்லை என்று தகவல் தெரிவித்துள்ளனர்.

மீட்புப் பணிகளுக்காக சம்பவ இடத்திற்கு விரைந்து செல்ல குய்சோ மாகாண தீயணைப்பு மற்றும் மீட்புப் படையினர் 84 வாகனங்கள், 83 டைவர்ஸ் உட்பட 248 பணியாளர்கள், 16 நீருக்கடியில் ரோபோக்கள் மற்றும் 24 படகுகள் அடங்கிய எட்டு குழுக்களை அனுப்பியுள்ளதாகவும் தகவல் தெரிவித்தனர்.

விபத்து நடந்தபோது சம்பவ இடத்தில் இருந்த சுற்றுலாப் பயணிகள் திடீர் மழை, ஆலங்கட்டி மழை, இடியுடன் கூடிய மழை மற்றும் பலத்த காற்று வீசியதாகத் தெரிவித்தனர். உள்ளூர் வானிலை ஆய்வு மையம் நேற்று 01:50 மணிக்கு மஞ்சள் எச்சரிக்கை விடுத்தது, பல இடங்களில் இடியுடன் கூடிய மழை பெய்யும் என்று கூறியது.

- ஆர்யன்