எரிவாயு குழாய்  தீ விபத்து நடந்த இடத்தில் உடல்கள் எதுவும் கிடைக்கவில்லை - போலிசார்

சுபாங்ஜெயா:

சுபாங் ஜெயாவின் புத்ரா ஹைட்ஸ், ஜாலான் புத்ரா ஹார்மோனியில் உள்ள எரிவாயு குழாய் தீ விபத்து பகுதியில் மறுசீரமைப்பு பணிகள் இதுவரை பாதுகாப்பாக உள்ளன.

ஏனெனில் குழாயில் வேறு எந்த வாயுவும் கண்டறியப்படவில்லை என்று சுபாங் ஜெயா மாவட்ட போலிஸ் தலைவர் வான் அஸ்லான் வான் மாமாட் தெரிவித்தார்.

பெட்ரோனாஸ் நிறுவனம் ஆய்வு நடத்தி, குழாயில் எரிவாயு இல்லை என்பதைக் கண்டறியப்பட்டது.

பெட்ரோனாஸ் இன்னும் குழாயில் உள்ள எரிவாயு உள்ளடக்கத்தைக் கண்காணித்து வருகிறது.

இதுவரை, குழாயில் உள்ள எரிவாயு உள்ளடக்கம் காலியாக இருப்பது கண்டறியப்பட்டுள்ளது.

குழாய் வெடிப்புக்கான காரணத்தையும் குழாயின் நேர்மையையும் கண்டறிய தொழில் பாதுகாப்பு, சுகாதாரத் துறை இன்னும் விசாரணை நடத்தி வருகிறது.

சுபாங் ஜெயாவில் உள்ள சம்பவக் கட்டுப்பாட்டு நிலையத்தில் செய்தியாளர்களிடம் அவர் இதனை கூறினார்.

மேலும் சம்பவம் நடந்ததிலிருந்து போலிஸ்படையின் தடயவியல் பிரிவு, கண்டறிதல் நாய் பிரிவு விரிவான தேடுதல் நடவடிக்கையை மேற்கொண்ட பிறகு, தீ விபத்து நடந்த இடத்தில் எந்த உடல்களும் கண்டுபிடிக்கப்படவில்லை என்பதை வான் அஸ்லான் உறுதிப்படுத்தினார்.

- பார்த்திபன் நாகராஜன்