தெற்கு சூடானை விட்டு மலேசியர்கள் உடனடியாக வெளியேற விஸ்மா புத்ரா உத்தரவு

புத்ரா ஜெயா:  

தெற்கு சூடானிலுள்ள மலேசியர்கள் உடனடியாக நாட்டை விட்டு வெளியேறுவதற்கான ஏற்பாடுகளைச் செய்யுமாறு அறிவுறுத்தப்பட்டுள்ளனர்.

அதே நேரத்தில் வணிக விமானங்கள் இன்னும் இயக்கப்படுகின்றன.

அதிகரித்து வரும் அபாயங்கள் மற்றும் பாதுகாப்பு நிலைமை தொடர்ந்து மோசமடைவதற்கான சாத்தியக் கூறுகளைக் கருத்தில் கொண்டு இந்த நடவடிக்கை எடுக்கப்பட்டதாக விஸ்மா புத்ரா ஓர் அறிக்கை மூலம் அறிவித்துள்ளது.

அவரைப் பொறுத்தவரை மலேசியர்கள் தெற்கு சூடானுக்குப் பயணம் செய்ய வேண்டாம் என்றும் அறிவுறுத்தப்படுகிறார்கள்.

தெற்கு சூடானின் பாதுகாப்பு நிலையை பாதித்த சமீபத்திய முன்னேற்றங்களைத் தொடர்ந்து, கென்யாவின் நைரோபியில் உள்ள மலேசிய உயர் ஸ்தானிகராலயம் மூலம் வெளியுறவு அமைச்சகம் (MFA) பாதுகாப்பு நிலைமையைக் கண்காணித்து வருகிறது," என்று அவர் வெள்ளிக்கிழமை கூறினார்.

ஐக்கிய நாடுகள் சபையின் காவல்துறையின் (UNPOL) கீழ் தற்போது பணியாற்றி வரும் 18 காவல்துறை அதிகாரிகளின் நிலையை உறுதி செய்வதாகவும் விஸ்மா புத்ரா தெரிவித்துள்ளது. 

ஐக்கிய நாடுகள் சபையின் அதிகாரிகளுடன் தொடர்ந்து ஒருங்கிணைந்து வருவதாகவும் விஸ்மா புத்ரா கூறியுள்ளது. 

அவர்கள் அனைவரும் பாதுகாப்பாக உள்ளனர் என்று அமைச்சகம் விளக்கியது.

முன்னதாக, ஆயுத தாக்குதல் காரணமாக மோசமடைந்து வரும் பாதுகாப்பு நிலைமையைத் தொடர்ந்து, 55 மலேசியர்களை பாதுகாப்பான பகுதிகளுக்கு இடம்பெயரவோ அல்லது தானாக முன்வந்து மலேசியாவுக்குத் திரும்பவோ வலியுறுத்தப்படுகிறது. 

- அஸ்வினி செந்தாமரை