நஜிப் ஆதரவு கூட்ட விவகாரத்தில் ஜசெகவின் எதிர்ப்பினால் அம்னோ அடிபணிந்தது: துன் மகாதீர்

கோலாலம்பூர்:

நஜிப் ஆதரவு கூட்ட விவகாரத்தில் ஜசெகவின் எதிர்ப்புக்கு அம்னோ அடிபணிந்து விட்டது.

முன்னாள் பிரதமர் துன் டாக்டர் மகாதீர் முஹம்மது இதனை கூறினார்.

புத்ராஜெயாவில்  நடைபெற்ற நஜிப் ஆதரவு கூட்டத்தில் அம்னோ ஏன் பின்வாங்கியது என்பது பலருக்குப் புரியவில்லை.

மாட்சிமை தங்கிய மாமன்னரின் அறிக்கை திட்டமிட்ட பேரணியை தடை செய்யவில்லை. 

மன்னிப்பு எவ்வாறு வழங்கப்பட முடியும் என்பதை மட்டுமே அவரது மாட்சிமையின் அறிக்கை விளக்குகிறது. 

அதனால் இந்த கூட்டத்தை அம்னோவால் தொடர்ந்திருக்கலாம்.

ஆனால் பாஸ் கட்சியுடனான அம்னோவின் ஒத்துழைப்பிற்கு ஜசெகவின் எதிர்ப்பு என்பது தெளிவாக உள்ளது.

இது தொடர்ந்தால் நம்பிக்கை கூட்டணி அரசாங்கத்திலிருந்து அம்னோ அகற்றப்படலாம்.

இந்த விவகாரத்தில் ஜசெக லிம் குவான் எங் இன்னும் விஷமாகவே பேசி வருகிறார்.

ஆட்சியில் இருந்து அம்னோ அகற்றப்பட்டால் அரசாங்கம் வீழ்ச்சியடையாது. 

ஆனால் அம்னோ ஆட்சியில் இல்லாதபோது அம்னோ தலைவர்களின் தலைவிதி பாதிக்கப்படலாம்.

இதுதான் அம்னோவின் தலைவிதி. அம்னோ தலைவர்களின் பாதுகாப்பு அரசாங்கத்தில் அவர்கள் பங்கேற்பதைப் பொறுத்தது. 

அதனால் ஜசெக ஆதரவு தேவை என்று துன் மகாதீர் கூறினார்.

- பார்த்திபன் நாகராஜன்