இசை நிகழ்ச்சி நடந்த இடத்தில் நால்வர் மரணமடைந்த சம்பவத்திற்கு போதைப் பொருள் காரணமாக இருக்கலாம்: போலிஸ்

ஷாஆலம்:

இசை நிகழ்ச்சி நடந்த இடத்தில் நால்வர் மரணமடைந்த சம்பவத்திற்கு போதைப் பொருள் காரணமாக இருக்கலாம் என சந்தேகிக்கப்படுகிறது.

சிலாங்கூர் மாநில போலிஸ் தலைவர் டத்தோ ஹுசைன் ஓமார் கான் இதனை கூறினார்.

பிங்க்ஃபிஷ் எனப்படும் மாபெரும் புத்தாண்டு கொண்டாட்ட இசை நிகழ்ச்சி பண்டார் சன்வேவில் நடைபெற்றது.

இந்நிகழ்ச்சியில் கலந்து கொண்ட நான்கு பேர் மரணமடைந்துள்ளனர்.

அவர்களின் மறைவுக்கு போதைப் பொருள் காரணமாக இருக்கலாம் என போலிஸ் சந்தேகிக்கிறது.

அதே வேளையில் போதைப் பொருள்கள் நிகழ்வு நடந்த இடத்தில் கொண்டு வரப்பட்டு வாங்கப்பட்டதாக நம்பப்படுகிறது.

இறந்த 20 முதல் 40 வயதுக்குட்பட்ட நான்கு பாதிக்கப்பட்டவர்கள் எக்ஸ்டசி மாத்திரைகளை உட்கொண்டதாக நம்பப்படுகிறது.

ஆனால் உறுதிப்படுத்தலுக்காக நச்சுயியல் ஆய்வியல் அறிக்கைக்காக போலிஸ் இன்னும் காத்திருக்கிறது.

இது தொடர்பான விசாரணைக்கும் பலர் அழைக்கப்படுவர் என்று அவர் கூறினார்.

- பார்த்திபன் நாகராஜன்