பாகிஸ்தானிலிருந்து அரிசியை இறக்குமதி செய்வது குறித்து எந்தப் பேச்சுவார்த்தையும் நடத்தவில்லை: பெர்னாஸ்

கோலாலம்பூர்:

பாகிஸ்தானிலிருந்து  அரிசியை இறக்குமதி செய்வது குறித்து எந்தப் பேச்சுவார்த்தையும் நடத்தவில்லை என்று தேசிய நெல் மற்றும் அரிசி விநியோக நிறுவனம் பெர்னாஸ் தெரிவித்துள்ளது. 

நாடு தற்போது விநியோக நெருக்கடியை அனுபவிக்கவில்லை என்று பெர்னாஸ் குறிப்பிட்டுள்ளது.

பாகிஸ்தானிலிருந்து அரிசியை இறக்குமதி செய்வதற்கான அரசாங்கத்தின் முன்மொழிவு குறித்து வாழ்க்கை செலவீன நடவடிக்கை மன்றத்தின் உணவுக் குழுத் தலைவர் டத்தோ சையத் அபு ஹுசின் ஹபீஸ் சையத் அப்துல் பசல் அறிக்கையைத் தொடர்ந்து பெர்னாஸ் இந்த அறிக்கையை வெளியிட்டது.

இறக்குமதி செய்யப்பட்ட அரிசி நாட்டின் தேவைகளுக்கு போதுமானது என்று பெர்னாஸ் வலியுறுத்தியது.

அரிசி இறக்குமதி பிரச்சனைகள் தொடர்பான எந்தவொரு தரப்பினராலும் வெளியிடப்படும் ஊடக அறிக்கைகள் உண்மைகள் மற்றும் தொடர்புடைய தரப்பினருடன் விவாதிக்கப்பட வேண்டும் என்று பெர்னாஸ் ஊக்குவிக்கிறது.

- அஸ்வினி செந்தாமரை