மலேசிய ஸ்டன்ட் கலைஞர்களுக்கு வழிகாட்டல்கள் வழங்கத் தயாராக உள்ளேன்: நம்பிக்கை நட்சத்திர விருது விழாவில் ஸ்டன் சிவா

கோலாலம்பூர்:

மலேசிய கலைத் துறையில் ஸ்டன்ட்  கலைஞர்களுக்கு வழிகாட்டல்கள் வழங்கத் தயாராக உள்ளேன்.

நம்பிக்கை ஸ்டார் ஐகோன் விருதளிப்பு விழாவில் இந்த ஆண்டிற்கான ஆக்சன் ஸ்டார் விருதை வென்ற ஸ்டன் சிவா இதனை கூறினார்.

இந்திய ரீதியில் பல விருதுகளை பெற்றுள்ளேன். ஆனால் முதல் முறையாக மலேசியாவில் எனக்கு விருது வழங்கப்பட்டுள்ளது.

இவ்வேளையில் இவ்விருதை வழங்கிய நம்பிக்கை குழுமத்திற்கு எனது நன்றிகள்.

மேலும் தனது வெற்றிக்கு தனது மனைவி முக்கிய காரணம். தான் எந்த படத்தில் ஸ்டண்ட் இயக்குனராக பணியாற்றினாலும் தான் கம்போஸ் செய்த காட்சிகளை முதலில் தனது மனைவிக்கும் பிள்ளைகளுக்கும் போட்டு காட்டுவதாகவும் அவர்கள் துல்லியமாக காட்சியமைப்பில் உள்ள நிறைகுறைகளை சுட்டிக் காட்டுவார்கள் என்றும் கூறினார்.

தனக்கு 2 மகன்கள் உள்ளனர் என்றும் மூத்த மகனும் ஸ்டண்ட் இயக்குனராக உள்ளார் என்றும் தற்போது அவர் முருகதாஸ் இயக்கி விரைவில் வெளியாக இருக்கும் பாலிவுட்டின் உச்ச நட்சத்திரம் சல்மான் கானின் சிக்கந்தர் படத்தின் ஸ்டண்ட் இயக்குனராக  பணியாற்றி வருகிறார் என்றும் குறிப்பிட்டார்.

மற்றொரு மகனும் விரைவில் ஸ்டண்ட் துறையில் கால் பாதிக்க உள்ளார் என்றும் குறிப்பிட்டார்.

10 ஆண்டுகளுக்கு முன்னரே தாம் மலேசிய கலைஞர்களை தமிழக படங்களில் பயன்படுத்தியுள்ளதாகவும் இங்கு திறமைமிக்க பலர் இருப்பதாகவும் கூறினார். அவர்களுக்கு உரிய வழிகாட்டுதல்களை வழங்கத் தாம் தயாராக உள்ளதாகவும் கூறினார்.

- பார்த்திபன் நாகராஜன்