நம்பிக்கை நட்சத்திர விருது விழா 2024: திறமைக்கு அங்கீகாரம் 

கோலாலம்பூர்: 

மலேசியாவின் முன்னணி தமிழ் ஊடகமாக விளங்கும் நம்பிக்கை ஊடகத்தின் ஏற்பாட்டில் நம்பிக்கை நட்சத்திர விருது விழா 2024 எதிர்வரும் நவம்பர் 30ஆம் தேதி 
DEWAN TUN ABDUL RAZAK, MENARA BANK RAKYATஇல் நடைபெறவுள்ளது 

இவ்வாண்டு நம்பிக்கை நட்சத்திர விருது விழாவில் 40 பேருக்கு விருதுகள் வழங்கி  கௌரவிக்கப்படவுள்ளனர்.  மொழி, கலை, இலக்கியம், தொழில்துறை சார்ந்த விருதுகளும் இதில் அடங்கும். இம்முறை கலைத் துறையில் 13 விருதுகள், சமூக ஊடகக் கலைஞர்களுக்கு 10 விருதுகளும் வழங்கப்படும்.

மலேசியாவின் முதன்மை செய்தி ஊடகமாக வலம் வரும் நம்பிக்கை, திறமையாளர்களை அடையாளம் கண்டு கௌரவிக்கும் நோக்கத்துடன் இடைவிடாமல் இந்த விருது விழாவை நடத்துவதாக நம்பிக்கை குழுமத்தின் தோற்றுநர் தலைவர் டத்தோஶ்ரீ முஹம்மது இக்பால் இராவுத்தர் தெரிவித்தார்.

சமூகம் சார்ந்த சிறப்பு விருதுகள் நீதிபதிகள் குழுவால் தேர்ந்தெடுக்கப்படும் நிலையில் அக் குழுவிற்கு டத்தோஶ்ரீ இக்பால் தலைமையேற்றுள்ளார்.இதில் கலை, சமூக ஊடகம் சார்ந்த இருபத்து மூன்று(23) விருதுகளும் பத்து(10) நாட்கள் நடக்கவிருக்கும் மக்களின் வாக்குகளின் அடிப்படையில் தேர்ந்தெடுக்கப்படுவார்கள் 

ஒவ்வொரு பிரிவுகளில் ஐந்து(05) பேர் வேட்பாளர்களாகவும், அவர்களில் மக்களின் மகத்தான ஆதரவை பெற்று அதிக வாக்குகளை பெற்ற நபர் சம்பந்தப்பட்ட விருதினைச் தட்டிச் செல்வார்கள்.  

மேலும், "மலேசிய மாமனிதர்" துன் சாமிவேலு வாழ்நாள் சாதனையாளர் விருதும், கலைத் துறை வாழ்நாள் சாதனையாளர் விருதும் வழங்கப்பட உள்ளன.

-மவித்திரன்