லேடி காகா நிகழ்ச்சியினால் சிங்கப்பூரில் ஹோட்டல் அறைகளின் விலைகள் 60 விழுக்காடு வரை உயர்ந்துள்ளது 

சிங்கப்பூர் 

அமெரிக்கப் பாடகி லேடி காகா (Lady Gaga) இசைநிகழ்ச்சிக்கான நுழைவுச்சீட்டு விற்பனை தொடங்கிய பிறகு சிங்கப்பூரிக் ஹோட்டல் அறைகளுக்கான தேவை அதிகரித்துள்ளது.

குறிப்பாக ஜப்பான், சீனாவைச் சேர்ந்த வாடிக்கையாளர்கள் மே மாதத்துக்காக அறைகளை இப்போதே முன்பதிவு செய்யத் தொடங்கிவிட்டதாக ஹோட்டல் நிர்வாகிகள் கூறுகின்றனர்.

இதனால் ஹோட்டல் அறைகளின் விலை 30 விழுக்காட்டிலிருந்து 60 விழுக்காடு வரை உயர்ந்துள்ளதாக 8World செய்தி தெரிவித்தது.

அந்த ஹோட்டல்களில் ஒன்று சிங்கப்பூர் அரங்கத்திலிருந்து 8 நிமிடத் தொலைவிலிருக்கும்Accor Hotels. லேடி காகாவின் இசைநிகழ்ச்சி அறிவிப்பு வெளியானதிலிருந்து ஹோட்டல் அறைகளை அதிகமானோர் தேடிவருவதாக அது கூறியது.

லேடி காகாவின் இசைநிகழ்ச்சி மே 18 முதல் 24ஆம் தேதி வரை நடைபெறுகிறது.

முதல் நாளான மே 18ஆம் தேதிக்கான ஹோட்டல் அறையின் விலை சுமார் 300 வெள்ளி. அது அதற்கு முந்தைய வாரத்தைக் காட்டிலும் 60 விழுக்காடு அதிகம்.

ஆதாரம்: மீடியா கோர்ப்