துன் டாய்ம்க்கு எதிரான குற்றச்சாட்டுகளுக்கு சட்டத் துறை தலைவர், எம்ஏசிசி தலைமை இயக்குநர் பதிலளிக்க வேண்டும்: துன் மகாதீர்

கோலாலம்பூர்:

துன் டாய்ம்க்கு எதிரான குற்றச்சாட்டுகளுக்கு சட்டத் துறை தலைவர், எம்ஏசிசி தலைமை இயக்குநர் பதிலளிக்க வேண்டும்.

முன்னாள் பிரதமர் துன் மகாதீர் முகமத் இதனை வலியுறுத்தினார்.

முன்னாள் நிதியமைச்சரான துன் டாய்ம் ஜைனுடின் கடந்த நவம்பர் 13ஆம் தேதி மரணமடைந்தார்.

இந்நிலையில் அவருக்கு எதிரான வழக்கை ரத்து செய்வது குறித்து பரவலாக பேசப்பட்டு வருகிறது.

ஆனால் துன் டாய்ம்க்கு எதிரான வழக்கை ரத்து செய்வதை நான் ஏற்கப்போவது இல்லை.

அதற்கு பதிலாக அவர் மக்களின் பணத்தை  திருடியது உண்மையா என்பதற்கு பதிலளிக்க வேண்டும்.

சட்டத்துறை தலைவர் முஹம்மத் டுசுகி மொக்தார், எம்ஏசிசி தலைமை ஆணையர் அசாம் பாக்கி ஆகியோர் பதிலளிக்க வேண்டும் என்று துன் மகாதீர் கூறினார்.

முன்னதாக துணை அரசு வழக்கறிஞரின் கோரிக்கையைத் தொடர்ந்து, குற்றவியல் நடைமுறைச் சட்டத்தின் பிரிவு 254(3) இன் கீழ் சொத்துக்களை அறிவிக்கத் தவறிய குற்றச்சாட்டில் இருந்து துன் டாயிமை  கோலாலம்பூர் செஷன்ஸ் நீதிமன்றம் விடுவித்தது என்பது குறிப்பிடத்தக்கது.

- பார்த்திபன் நாகராஜன்