ஆப்கானிஸ்தான் பேராளர்கள் குழுவின் பயணம் குறித்து வெளியுறவு அமைச்சகத்தின் ஆலோசனையும் வழிகாட்டலும் பெறப்பட்டது: ஃபட்லினா சிடேக்

பெட்டாலிங் ஜெயா: 

ஆப்கானிஸ்தான் கல்வி அமைச்சின்  பேராளர்கள் குழுவின் பயணம் குறித்து வெளியுறவு அமைச்சகத்தின் ஆலோசனையும் வழிகாட்டலும் பெறப்பட்டது என்று கல்வியமைச்சர் ஃபட்லினா சிடேக் தெரிவித்தார். 

நிகழ்ச்சி சிறப்பாக நிறைவடையும் வரை பாதுகாப்பு குறித்த தொடர் கண்காணிப்பு தொடர்பான பிற நிறுவனங்களின் உதவி உட்பட, வெளியுறவு அமைச்சகத்திடமிருந்து ஆலோசனையைப் பெற்றுள்ளது.

ஆப்கானிஸ்தானின் சமூக முன்னேற்றத்திற்கு பங்களிக்கும் சுகாதார, மனிநேயத் துறைகளில் மேம்பாட்டு உதவிகளை வழங்க தயாராகவுள்ள மலேசியாவின் வெளியுறவுக் கொள்கை அணுகுமுறையின் திசையை ஆதரிக்கும் முயற்சியாகவும் இந்த பயணம் இருப்பதாக ஃபட்லினா கூறினார்.

இந்த விஜயத்தின் மூலம், கல்வி அமைச்சகம் மலேசியப் பெண்களுக்கான கல்வி உட்பட நாட்டின் கல்வி முறையின் விரிவான கண்ணோட்டத்தை வழங்கும் விளக்கக்காட்சியை மேற்கொண்டுள்ளது.

இது ஒரு உள்ளடக்கிய தேசிய கல்வி முறையை காட்டுகிறது மற்றும் சமூக-பொருளாதார நிலை, பாலினம், இனம் மற்றும் புவியியல் ஆகியவற்றில் அணுகல் மற்றும் சமத்துவத்தை அதிகரிப்பதில் கவனம் செலுத்துகிறது" என்று அவர் ஒரு அறிக்கையில் கூறினார்.

டிஏபி தலைவர் லிம் குவான் எங், தற்போது தலிபான் தலைமையில் இருக்கும் ஆப்கானிஸ்தான் அரசாங்கக் குழுவை நடத்துவதற்கு கல்வி அமைச்சின் காரணங்களை விளக்குமாறு ஃபட்லினாவிடம் கேட்டதையடுத்து அவர் இவ்வாறு பதிலளித்துள்ளார். 

- அஸ்வினி செந்தாமரை