பிரதமருக்கு எதிரான அவதூறு வீடியோ தொடர்பான விசாரணை அறிக்கை சட்டத்துறை தலைவர் அலுவலகத்தில் ஒப்படைக்கப்படும்: ஐஜிபி

கோலாலம்பூர்:

பிரதமருக்கு எதிரான அவதூறு வீடியோ தொடர்பான விசாரணை அறிக்கை சட்டத்துறை தலைவர் அலுவலகத்தில் ஒப்படைக்கப்படும்.

தேசிய போலிஸ்படைத் தலைவர் டான்ஶ்ரீ ரஸாருடின் ஹுசைன் இதனை உறுதிப்படுத்தினார்.

பிரதமர் டத்தோஶ்ரீ  அன்வார் இப்ராஹிம் அண்மையில் சிஎன்என் செய்தி நிறுவனத்திற்கு பேட்டியளித்தார்.

இப் பேட்டியை வைத்து பிரதமருக்கு எதிரான அவதூறுகள் பரப்பப்பட்டது.

இது தொடர்பில் போலிசாருக்கு கிட்டத்தட்ட 11 புகார்கள் கிடைத்தது.

இப் புகார்களின் அடிப்படையில் 12 பேரிடம் போலிசார் வாக்குமூலங்களையும் பதிவு செய்துள்ளனர்.

இதனைத் தொடர்ந்து இந்த விசாரணை அறிக்கை விரைவில் சட்டத்துறை தலைவர் அலுவலகத்திடம் ஒப்படைக்கப்படும் என்று அவர் கூறினார்.

- பார்த்திபன் நாகராஜன்