கிளந்தான்-தாய்லாந்து எல்லையிலுள்ள மூன்று நுழைவாயில்கள் மட்டுமே அதிகாரப்பூர்வமானது: சைஃபுடின் நசுத்தியோன்

கோலாலம்பூர்:

நாட்டின் கிளந்தான் - தாய்லாந்து எல்லையிலுள்ள மூன்று நுழைவாயில்கள் மட்டுமே அதிகாரப்பூர்வமானது என்று உள்துறை அமைச்சர் டத்தோஸ்ரீ சைஃபுடின் நசுத்தியோன் தெரிவித்துள்ளார். 

கிளந்தானின் ரந்தாவ் பஞ்சாங், புக்கிட் பூங்கா, பெங்காலான் கூபூர் ஆகியப் பகுதிகளில் மூன்று நுழைவாயில்கள் மட்டுமே அதிகாரப்பூர்வமானது என்று அவர் உறுதிப்படுத்தினார். 

மற்ற அனைத்து நுழைவாயில்களும் சட்டவிரோதமானது என்றும் இந்த வழிகளைப் பயன்படுத்துவது சட்டத்திற்கு எதிரானது என்று அவர் மேலும் கூறினார்.

தாய்லாந்திலிருந்து தினமும் சுங்கை கோலோக்கைௐ கடந்து ரந்தாவ் பஞ்ஜாங்கிலுள்ள பள்ளிகளுக்குச் செல்லும் தங்கள் குழந்தைகளின் பள்ளிக்கல்வியை மலேசிய அதிகாரிகள் தடை செய்வதால் தாய்லாந்து மற்றும் மலேசியர்கள் பலர் கவலையடைந்துள்ளதாக அவர் இன்று தெரிவித்திருந்தார்.

- அஸ்வினி செந்தாமரை