டாய்மிற்கு எதிரான வழக்கினைத் திரும்ப பெற வேண்டாம்: டாய்மின் மனைவி நய்மா காலித் கோரிக்கை 

கோலாலம்பூர்: 

முன்னாள் நிதியமைச்சர் துன் டாய்ம் ஜைனுடினுக்கு எதிரான ஊழல் வழக்கை எந்த காரணமும் இல்லாமல் தேசிய சட்டத்துறை தரப்பு, மலேசிய ஊழல் தடுப்பு ஆணையம் நிறுத்த கூடாது என்று துன் டாய்மின் மனைவி நய்மா காலித் கூறினார். 

நீதிமன்ற வழக்கைத் தொடர்வதையே மறைந்த துன் டாய்ம் ஜைனுடின் விரும்பியதாகவும் அவர் கருத்துரைத்தார் 
தாம் குற்றமற்றவர் என்றும் அதனை நீதிமன்றம் உறுதிப்படுத்தும் என்று டாய்ம் முழுமையான நம்பிக்கை கொண்டிருந்தார் என்று அவர் சொன்னார் 

முன்னதாக, சொத்து விபரங்களை அறிவிக்காத பட்சத்தில் துன் டாய்ம் ஜைனுடின், அவரின் மனைவிக்கு எதிராக எம்.ஏ.சி.சி வழக்கு பதிவு செய்தது 

இந்த வழக்கு விசாரணை நடைபெற்று கொண்டிருக்கும் போதே கடந்த நவம்பர் 13ஆம் தேதி 86 வயதான துன் டாய்ம் ஜைனுடின் உடல்நலக்குறைவால் காலமானார்.

-மவித்திரன்