உலகத் தமிழர் பொருளாதார மாநாடு தமிழ் வர்த்தகர்களை ஒன்றிணைக்கிறது: டத்தோ சகாதேவன்

கோலாலம்பூர்:

உலகத் தமிழர் பொருளாதார மாநாடு உலகம் முழுவதும் உள்ள தமிழ் வர்த்தகர்களை ஒன்றிணைக்கிறது.

தேசிய நில நிதி கூட்டுறவு நிறுவனத்தின் தலைமை இயக்குநர் டத்தோ ப. சகாதேவன் இதனை கூறினார்.

உலகத் தமிழர் பொருளாதார மாநாடு, உலகப் பொருளாதார உச்சி மாநாடு கேஎல்சிசி மாநாட்டு மையத்தில் நடைபெறுகிறது.

இம்மாநாட்டின் நிறுவனரும் தலைவருமான டாக்டர் விஆர்எஸ் சம்பத் தொடர்ச்சியாக 11ஆவது ஆண்டாக இம்மாநாட்டை ஏற்பாடு செய்துள்ளார்.

இவ்வேளையில் அவருக்கு பாராட்டுகளை தெரிவித்து கொள்கிறேன். இது போன்ற மாநாடுகள் அடிக்கடி நடத்தப்பட வேண்டும்.

காரணம் நமது தமிழ் வர்த்தகர்கள் உலக ரீதியில் வியாபித்து உள்ளனர். இவர்களை எல்லாம் ஒன்றுப்படுத்துவது இதுபோன்ற மாநாடுகள்தான்.

குறிப்பாக உலக நாடுகளில் உள்ள தமிழ் வர்த்தகர்களிடயே வர்த்த விரிவாக்கத்தை ஏற்படுத்துகிறது.

அதே வேளையில் வர்த்தகர்கள் தங்களின் வர்த்தக ஆலோசனைகள், நுணுக்கங்களை பகிர்ந்து கொள்கின்றனர்.

ஆக மொத்தத்தில் இதுபோன்ற மாநாடுகள் தமிழ் வர்த்தகர்களுக்குப் பெரும் பயனாக அமைகிறது என்று டத்தோ சகாதேவன் கூறினார்.

- பார்த்திபன் நாகராஜன்