இங்கிலாந்து கரபாவ் கிண்ணம்: மென்செஸ்டர் யுனைடெட் அபாரம்

லண்டன்:

இங்கிலாந்து கரபாவ் கிண்ண கால்பந்துப் போட்டியில் மென்செஸ்டர் யுனைடெட் அணியினர் அபார வெற்றியை பதிவு செய்தனர்.

ஓல்டு டிராப்போர்ட் அரங்கில் நடைபெற்ற நான்காவது சுற்று ஆட்டத்தில் மென்செஸ்டர் யுனைடெட் அணியினர் லெய்செஸ்டர் சிட்டி அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய மென்செஸ்டர் யுனைடெட் அணியினர் 5-2 என்ற கோல் கணக்கில் லெய்செஸ்டர் சிட்டி அணியை வீழ்த்தி வெற்றி பெற்றனர்.

மென்செஸ்டர் யுனைடெட் அணியின் வெற்றி கோல்களை காஸ்மிரோ, அலெக்ஜாண்ட்ரோ கார்னகோ, புருனோ பெர்னாண்டஸ் ஆகியோர் அடித்தனர்.

மற்றொரு ஆட்டத்தில் மென்செஸ்டர் சிட்டி அணியினர் 1-2 என்ற கோல் கணக்கில் டோட்டன்ஹாம் அணியிடம் தோல்வி கண்டனர்.

மற்ற ஆட்டங்களில் அர்செனல், லிவர்பூல், நியூகாஸ்டல், கிறிஸ்டல் பேலஸ் ஆகிய அணிகள் வெற்றி பெற்றன.

- பார்த்திபன் நாகராஜன்