பெர்சத்து கட்சியின் உதவித் தலைவர் பதவிக்கு 7 பேர் போட்டி

கோலாலம்பூர்:

பெர்சத்து கட்சியின் உதவித் தலைவருக்கான தேர்தல் களத்தில் 7 பேர் களமிறங்கியுள்ளனர்.

பெர்சத்து கட்சி தேர்தல் தற்போது சூடிப்பிடிக்க தொடங்கியுள்ளது.

துணைத் தலைவர், உதவித் தலைவருக்கான தேர்தல் அனைவரின் கவனத்தையும் ஈர்த்துள்ளது.

இந்நிலையில் அக்கட்சியின் உதவித் தலைவர் பதவிக்கு 7 பேர் போட்டியிடவுள்ளனர்.

இதில் துணைத் தலைவர் அஹ்மத் பைசால், ரொனால்ட் கியான்டே, ராட்சி ஜிடின் ஆகியோருக்கு கட்சியின் தலைவர் டான்ஶ்ரீ மொஹைதின் யாசின் முழு ஆதரவை தந்துள்ளார்.

இந்நிலையில் ராட்சி இட்ரிஸ், சைபுடின் அப்துல்லா, முகமத் ராபிக், அஜிஸ் ஜைனால் ஆகியோரும் அப்பதவிக்கு போட்டியிடுகின்றனர்.

இத்தேர்தலுக்கான வேட்புமனு தாக்கல் கடந்த செப்டம்பர் 21ஆம் தேதி நடைபெற்றது.

தற்போது அந்த 7 பேரும் அப்பதவிக்கு போட்டியிடும் அனுமதியை பெற்றுள்ளனர் என்பது குறிப்பிடத்தக்கது.

- பார்த்திபன் நாகராஜன்