இஸ்லாத்தை இழிவுபடுத்தும் வகையிலான ரசீது:  போலிசார் விசாரணையை தொடங்கினர்

புக்கிட் மெர்தாஜாம்:

இஸ்லாத்தை இழிவுபடுத்தும் வகையில் உள்ள துரித உணவகத்தின் ரசீது தொடர்பில் போலிசார் விசாரணையை தொடங்கி உள்ளனர் என்று மத்திய செபராங் பிறை போலிஸ் தலைவர்  ஹெல்மி அரிஸ் கூறினார்.

இங்குள்ள பெராய், தாமான் இந்தரவாசியில் உள்ள ஒரு துரித உணவு உணவகத்தில் வாடிக்கையாளர் ஆர்டரைப் பெறுவது தொடர்பான விசாரணை ஆவணங்களை போலீசார் திறந்தனர்

அதில் சமூக ஊடகங்களில் வைரலாகும் வரை இஸ்லாத்தை அவமதிக்கும் ஆத்திரமூட்டும் பதிவுகள் இருந்தன.

இந்த சம்பவம் தொடர்பாக உணவக ஊழியர்கள் நேற்று போலிசில் புகார் அளிக்க முன்வந்துள்ளனர்.

இணையதளம் மூலம் இரவு 8.27 மணிக்கு வாடிக்கையாளரிடமிருந்து ஆன்லைன் ஆர்டரைப் பெற்றதாக சம்பந்தப்பட்ட ஊழியர் கூறினார்.

இதன் அடிப்படையில் போலிசார் துரித விசாரணையை மேற்கொண்டு வருகின்றனர் என்று அவர் கூறினார்.

- பார்த்திபன் நாகராஜன்