நஜிப் உட்பட அனைத்து கைதிகளுக்கும் ஒரே மாதிரி நடைமுறை விதிகள் பின்பற்றப்படுகிறது: சிறைத்துறை இயக்குநர்

கோலாலம்பூர்:

சிறைத் தண்டனை அனுபவிக்கும் அனைத்து குற்றவாளிகளும் அமலில் உள்ள நடைமுறை விதிகளின் கீழ் நிர்வகிக்கப்படுகிறார்கள்.

இதில் முன்னாள் பிரதமர் டத்தோஶ்ரீ  நஜிப் ரசாக்கின் சிகிச்சையும் அடங்கும் என்று  மலேசிய சிறைத் துறையின் இயக்குநர் ஜெனரல் நோர்டின் முஹம்மது தெரிவித்தார்.

தண்டனை பெறும் எவரும் விதிகளின்படி சமமாக நடத்தப்படுவார்கள்.

தற்போது காஜாங் சிறையில் தண்டனை அனுபவித்து வரும் நஜிப்பும் இதில் அடங்குவார்.

அவர்  சிறைச்சாலை சட்டம் 1995க்கு உட்பட்டவராக இருக்கிறார் என்று அவர் மேற்கோள் காட்டினார்.

முன்னதாக நஜிப்புக்கு மிகச் சிறப்பான சிகிச்சை, சலுகை  அளிக்கப்பட்டது என்று அங்கு சிறைத் தண்டனையை அனுபவித்து முடித்த பேச்சாளர் வான் ஜி வான் ஹுசின் கூறியிருந்தார்.

இதற்கு விளக்கம் தந்த நோர்டின் முஹம்மது மேற்கண்டவாறு கூறினார்.

- பார்த்திபன் நாகராஜன்