அந்நியத் தொழிலாளர்களின் காலக்கெடுவை நீட்டிக்க எந்த காரணமும் இல்லை: சைபுடின்

கூலிம்:

அந்நியத் தொழிலாளர்களை பதிவு செய்வதற்கான எளிமைப்படுத்தப்பட்ட செயல்முறை தற்போது நடைமுறையில் உள்ளது.

அதனால் அந்நிய தொழிலாளர்களின் மறுசீரமைப்பு திட்டத்திற்கான (recalibration) காலக்கெடுவை இனி நீட்டிக்க வேண்டிய அவசியமில்லை.

உள்துறை அமைச்சர் டத்தோஸ்ரீ சைபுடின் நசுதியோன் இதனை தெரிவித்தார்.

முதலாளிகள் கோரும் நீட்டிப்பு இனி தேவையில்லை.

காரணம் அவர்கள் முகவர்கள் மூலம் தொழிலாளர்களின் அனுமதிக்கு விண்ணப்பிக்க வேண்டியதில்லை.

அந்நியத் ஊழியர்களுக்கான பயன்படுத்தப்படாத ஒதுக்கீடுகள் ஜூன் 1 ஆம் தேதி ரத்து செய்யப்படும் என்று உள்துறை அமைச்சகம் சமீபத்தில் அறிவித்தது.

முந்தைய செயல்முறையின் கீழ், ஒரு முதலாளிக்கு வெளிநாட்டுத் தொழிலாளி தேவைப்படும்போது, அவர்கள் மனிதவள அமைச்சின் ஒதுக்கீட்டிற்கு விண்ணப்பிப்பார்கள்.

அங்கீகரிக்கப்பட்டவுடன், அவர்கள் குடிவரவுத் துறைக்கு ஒரு லெவியைச் செலுத்தி, பின்னர் விசா பெற விண்ணப்பிக்கிறார்கள்.

இப்போது அவர்கள் விண்ணப்பிப்பவர்கள் என்பதால், அவர்கள் விரைவாக விண்ணப்பிப்பார்கள்.

மேலும் விண்ணப்பத்திற்கு இரண்டு வேலை நாட்கள் மட்டுமே ஆகும் என்பதால் அவர்கள் விரைவாக முடிவுகளைப் பெறுவார்கள் என்று அமைச்சர் கூறினார்.

- பார்த்திபன் நாகராஜன்