அன்வாரை ஆதரிக்கும் 6 பெர்சத்து நாடாளுமன்ற உறுப்பினர்கள் பதவியை இழக்கலாம்: மொஹைதின்

கோத்தாகினபாலு:

பிரதமர் அன்வாரை ஆதரிக்கும் 6 பெர்சத்து நாடாளுமன்ற உறுப்பினர்கள் தங்களின் பதவியை விரைவில் இழக்கலாம்.

பெர்சத்து கட்சியின் தேசியத் தலைவர் டான்ஶ்ரீ மொஹைதின் யாசின் இதனை தெரிவித்தார்.

பெர்சத்து கட்சியைச் சேர்ந்த 6 நாடாளுமன்ற உறுப்பினகள் பிரதமர் டத்தோஶ்ரீ அன்வார் இப்ராஹிமிற்கு ஆதரவு தெரிவித்தனர்.

அவர்களுக்கு எதிராக நடவடிக்கை எடுக்கும் பட்சத்தில் பெர்சத்து கட்சியின் சட்டத்தில் திருத்தம் செய்யப்பட்டது.

இச்சட்டத் திருத்தத்தை ஆர்ஓஎஸ் ஏற்றுக் கொண்டது.

இதன் அடிப்படையில் சம்பந்தப்பட்ட 6 பேர் தங்களின் நாடாளுமன்ற உறுப்பினர் பதவிகளை இழக்கலாம்.

பெர்சத்து கட்சியின் உச்சமன்றக் கூட்டம் விரைவில் நடைபெறவுள்ளது.

இந்தக் கூட்டத்திற்கு பின் அந்த 6 பேரின் கதி தெரிய வரும் என்று டான்ஶ்ரீ மொஹைதின் கூறினார்.

- பார்த்திபன் நாகராஜன்