அமான் பாலஸ்தீன் நிறுவன இயக்குனர், தலைமை செயல்முறை அதிகாரி மீது 52 குற்றச் சாட்டுகள் பதிவு

பெட்டாலிங் ஜெயா:

அமான் பாலஸ்தீன் நிறுவனத்தின்  இயக்குனர், தலைமை செயல்முறை அதிகாரி ஆகிய இருவர் மீது சுமத்தப்பட்ட 52 நம்பிக்கை மீறல் குற்றச்சாட்டுகளை மறுத்து விசாரனை கோரியுள்ளனர். 

20 மில்லியன் ரிங்கிட்டுக்கும் அதிகமான நிதியில் நம்பிக்கை மீறல் நடந்துள்ளது. 

ஷா ஆலம் செஷன்ஸ் நீதிமன்றத்தில், அமான் பாலஸ்தீனத்தின் நிர்வாக இயக்குநர் அப்துல்லா ஜைக் அப்துல் ரஹ்மான், சம்பந்தப்பட்ட நிறுவனத்தின் தலைமைச் செயல்முறை அதிகாரி அவாங் சுஃபியன் அவாங் பியூட் ஆகியோர் மீது நம்பிக்கையை மீறிய குற்றத்திற்காக குற்றம் சாட்டப்பட்டது. 

சமுத்ரா சம்பா எஸ்டிஎன் பிஎச்டி நிறுவனத்தின் இயக்குநர்களாக இருந்த போது 500,000 ரிங்கிட் மதிப்புள்ள அமான் பாலஸ்தீன நிதியில் முறைகேடு நடந்துள்ளது. 

அவர்கள் இருவரும் கடந்த 2018-ஆம் ஆண்டு மார்ச் 12-ஆம் தேதி, நவம்பர் 3-ஆம் தேதிகளுக்கு இடையில் சிலாங்கூரிலுள்ள பண்டார் பாரு பாங்கியில் உள்ள மேபேங்க் திட்டத்தில் குற்றம் செய்ததாக குற்றம் சாட்டப்பட்டது.

குற்றவியல் சட்டத்தின் 409வது பிரிவின்படி அவர்கள் மீது 52 குற்றச்சாட்டுகள் சுமத்தப்பட்டன.

குற்றச்சாட்டுகள் வாசிக்கப்பட்ட பிறகு, துணை அரசு வழக்கறிஞர் அஹ்மத் அக்ரம் கரீப் இரு தரப்பினருக்கும் ஜாமீன் விகிதம் RM1 மில்லியனாக நிர்ணயிக்கப்பட வேண்டும் என்று தெரிவித்தார்.

பாதி தொகை இன்று நீதிமன்றத்தில் செலுத்தப்படும், அதே நேரத்தில் மீதமுள்ள தொகையை அடுத்த மார்ச் 14 ஆம் தேதிக்குள் செலுத்த வேண்டும்.

நீதிபதி அனிதா ஹருண், மார்ச் 14-ம் தேதி வழக்கை ஒரு மாதத்திற்கு ஒத்திவைத்தார்.

- அஸ்வினி செந்தாமரை