பொருளாதார சுமை காரணமாக மக்கள் அவதி; இஸ்தானா நெகாராவில் மகஜர் சமர்ப்பிப்பு 

கோலாலம்பூர்: 

நாட்டின் பொருளாதார சுமை காரணமாக மலேசியர்கள் பெரும் நிதி நெருக்கடியில் தத்தளித்து வருகின்றனர். இதன் காரணமாக, நான்கு இஸ்லாமிய அரசு சாரா இயக்கங்கள் இணைந்து இஸ்தானா நெகாராவில் மகஜர் ஒன்றை சமர்ப்பித்தனர். 

இந்த மகஜரானது இஸ்தானா நெகாரா பிரதிநிதியிடம் ஒப்படைக்கப்பட்டது. சுமார் 1000 பேர் இந்த அமைதி பேரணியில் கலந்துக்கொண்டு DAULAT TUANKU மற்றும் SELAMATKAN MALAYSIA என்று முழக்கங்களை எழுப்பினர். 

கூட்டத்தை சமாளிக்க சுமார் 50 போலீஸ் அதிகாரிகள் பாதுகாப்பு பணியில் ஈடுபட்டனர். நடப்பு அரசாங்கம் பொருளாதார சமூக விவகாரங்களில் தொடர்ந்து அக்கறை செலுத்த வேண்டும் என்று அவர்கள் கோரிக்கையை முன் வைத்தனர். 

ஒட்டுமொத்த மலாய்க்காரர்கள் சமூகமும் நடப்பு அரசாங்கத்தின் கொள்கைகள் நடவடிக்கைகளைக் கண்டு பெரும் அச்சம் கொண்டுள்ளதாக அவர் தெரிவித்தனர். 

இந்த கூட்டத்தில் முன்னாள் பிரதமர் துன் டாக்டர் மகாதீர் முஹம்மது கலந்துக்கொண்டார்.

-மவித்திரன்