வெளிநாடுகளிலும் கூகுள் பே மூலம் பரிவர்த்தனை

புது டெல்லி:

இந்தியாவுக்கு வெளியே பிற நாடுகளில் கூகுள் பே மூலம் யுபிஐ பரிவர்த்தனையை விரிவுபடுத்துவதற்கான  புரிந்துணர்வு ஒப்பந்தம் மேற்கொள்ளப்பட்டுள்ளது.

கூகுள் இந்தியா மற்றும் ரிசர்வ் வங்கியின்கீழ் செயல்படும் சர்வதேச பரிவர்த்தனைகள் நிறுவனம் ஒப்பந்தத்தை மேற்கொண்டுள்ளன.

இதுகுறித்து கூகுள் பே வெளியிட்டுள்ள அறிக்கையில், இந்திய பயணிகளின் யுபிஐ பரிவர்த்தனை பயன்பாட்டை வெளிநாடுகளுக்கு விரிவுபடுத்த இந்தப் புரிந்துணர்வு ஒப்பந்தம் வழிவகுக்கும்.

தடையற்ற நிதி பரிவர்த்தனைகளுக்கு மாதிரியாக மற்ற நாடுகளில் யுபிஐ எண்ம பரிவர்த்தனை முறையை நிறுவுவதற்கு இந்த ஒப்பந்தம் உதவும் என்று தெரிவிக்கப்பட்டுள்ளது.

- ஆர்யன்